Kirap! i As Bilong Ol Tok Long Pepa i Daunim Pasin Bilong Smok

WANPELA MAN LONG ITALI I RAITIM DISPELA STORI BILONG KIRAP!

I NO longtaim i go pinis, long biktaun Motara long hap not bilong Itali, lain Italian Anticancer League na wanpela niuspepa long dispela hap, ol i stretim rot bilong kamapim wanpela samting olsem resis. Ol i laik ol sumatin long haiskul i ken wokim wanpela bikpela pepa i gat hap rait i daunim pasin bilong smok. Simona i gat 14 krismas, na em i wanpela Witnes Bilong Jehova. Em i painim ol stori bilong ol narapela narapela Kirap! bilong kisim sampela tingting long olsem wanem smok inap bagarapim ol man. Em i kisim ol tok long Kirap! bilong Janueri 8, 1990 na Janueri 8, 1996. Simona i tok: “Taim mi wok long painim ol stori long Kirap!, mi kirap nogut tru long lukim ol piksa long namba wan pes bilong dispela tupela magasin. Mi droim piksa bilong bun bilong het i gat wanpela smok i stap long maus bilong en olsem mi lukim long Kirap! Na het-tok bilong en i givim tingting long mi long wanem tok mi bai raitim.” Tok em i raitim i olsem: “Smok​—⁠Em i Save Kilim i Dai Planti Milion Manmeri Bilong Kisim Planti Milion Dola.” Pepa bilong em i wanpela bilong 250 narapela pepa i insait long dispela resis.

Maski Simona i yangpela long planti bilong ol sumatin i insait long resis, em i winim namba wan prais, na em i kisim 300 dola bilong i go long bikpela skul. Simona i rait i kam long brens-ofis bilong Sosaiti Was Taua bilong tok tenkyu, long wanem, ol gutpela piksa long namba wan pes bilong tupela Kirap! i bin givim tingting long em. Em i save amamas long ritim ol Kirap!, long wanem, ol i gat gutpela piksa long namba wan pes, na tu, ol i gat ol gutpela stori long ol samting bilong helt, ol samting i wok long kamap long nau, na ol hevi i wok long painim ol yangpela. Em i pinisim pas olsem: “Mekim yet gutpela wok bilong yupela!”

Sapos yu laik kisim sampela save moa long ol samting i helpim ol Kristen, plis go long Haus Kingdom bilong ol Witnes Bilong Jehova long hap bilong yu, o raitim ol tok long dispela hap daunbilo na salim i kam.

□ Plis salim wanpela liklik buk God i Laik Yumi Mas Mekim Wanem? i kam long mi. Mi putim ol stem inap 70 toea insait long pas, olsem pe bilong dispela liklik buk.

□ Plis, toksave long mi long pasin bilong kisim Baibel-stadi i no gat pe.