Rot Bilong i Stap Amamas Wantaim Famili

GRACIELA bilong Ajentina, Saut Amerika, em i raitim pas olsem: “Mi bin kaunim Wastaua na Kirap! inap 40 yia. Nau mi ken tok tru olsem tupela nius i helpim mi tru long samting mi sot long en. Ol dispela nius i bin helpim mi taim mi pikinini yet, na taim mi kamap yangpela, na taim mi painim poroman na marit, na long mekim bikpela long 6-pela pikinini bilong mi.

“Ol dispela nius i helpim mi na man bilong mi long mekim bikpela long 4-pela pikinini bilong mipela em ol i stap yet wantaim mipela. Mi mekim gut wok long ol dispela nius bilong toktok wantaim ol pikinini bilong mi na ol tisa bilong ol long skul. Taim mi toktok wantaim ol dokta long ol hevi bilong sik mi kaunim stret ol tok bilong Kirap! long ol. Ol tok aninit long het-tok ‘Help for Children With Learning Disabilities’ (Februeri 22, 1997) i helpim mipela tru long kisim save olsem wanpela pikinini meri bilong mipela i gat hevi long lain gut.”

Ol buk na nius bilong Sosaiti Was Taua inap helpim ol famili long karim ol hevi i painim ol na long stap amamas wantaim. Olsem: Buk Rot Bilong Famili i Ken Stap Amamas i gat 192 pes long en, em inap helpim ol man marit, meri marit, ol papamama, ol bubu na olgeta insait long famili. Sampela sapta bilong skulim famili, em: “Skulim Pikinini Bilong Yu Taim Em i Liklik Yet,” “Helpim Pikinini Bilong Yu Long Kamap Strong,” “Lukautim Famili na Bai Pasin Nogut i No Ken Bagarapim Ol,” na “Yu Inap Winim Ol Hevi i Save Bagarapim Famili.”

Bilong kisim wanpela buk, raitim nem na atres bilong yu long hap daunbilo na salim long atres i stret long yu i stap long pes 5 bilong dispela nius. Bai yu kisim ol gutpela tok bilong helpim yu long stretim ol hevi na mekim i stap bilong famili bilong yu i kamap gutpela olsem Man bilong wokim yumi i laikim.

□ Salim wanpela buk Rot Bilong Famili i Ken Stap Amamas i kam long mi.

□ Plis kam lukim mi, mi laik stadi long Baibel, no gat pe.

[Piksa long pes 32]

Graciela na famili bilong em