Pas i Kam Long Wanpela Yumi Laikim Tru

Wanpela meri long New York i ritim buk Draw Close to Jehovah na em i tok dispela buk i olsem wanpela pas i kam long wanpela yumi laikim tru, em i tok: “Wan wan sapta i kirapim tru bel bilong mi na i kirapim mi long laikim tru Jehova.” Em i tok moa: “Nau mi pinisim laspela sapta bilong dispela buk, na mi no inap wet long kirap ritim gen sapta wan na i go, kain olsem yumi mekim taim yumi kisim pas long wanpela yumi laikim tumas.” Skelim tok ol narapela i bin mekim.

Wanpela meri long Kansas i tok: “Mi inap pilim tru olsem mi go klostu moa long Papa bilong mi i stap long heven. Bel bilong mi i kirap tru long laikim em . . . Mi amamas long ritim dispela buk long olgeta moningtaim na bai mi ritim dispela buk planti taim gen.”

Wanpela meri long Maine i raitim pas na em i tok: “Dispela buk i bin helpim mi long save gut long Jehova em i wanem kain man tru! I gat wanpela gutpela tok tru i stap long pes 74 em i tok: ‘Ol man i dai pinis ol i stap long tingting bilong God, em i nambawan gutpela hap bilong i stap long en.’ ” Wanpela meri bilong raitim ol buk long Alaska i tok: “Mi pilim tru ol tok i stap long dispela buk na aiwara bilong mi i pundaun.” Em i tok moa: “Bai mi ritim gen dispela buk planti taim.”

Mipela i ting olsem bai yu pilim wankain olsem ol sapos yu ritim dispela buk. Bihain long sapta wan i go inap sapta 3, ol i brukim ol sapta i go long fopela hap i gat ol het-tok, “Vigorous in Power,” “A Lover of Justice,” “Wise in Heart,” na “God Is Love.” Na “Draw Close to God, and He Will Draw Close to You” em laspela sapta bilong dispela buk.

Yu ken kisim dispela buk i gat 320 pes sapos yu raitim nem na atres long hap daunbilo na salim i kam long atres i stap long en o long atres i stret long yu i stap long pes 5 bilong dispela nius.

□ Mi laik kisim wanpela buk Draw Close to Jehovah.

□ Plis kam lukim mi, mi laik stadi long Baibel, no gat pe.