“Ol i Kolim Stret Ol Samting i Save Kamap”

Wanpela meri bilong ples Peru long Saut Amerika em i bin tok olsem long wanpela pas em i salim long nius Wastaua. Em i kaunim wanpela Wastaua i stori long ol hevi i save kamap insait long ol famili na em i tok:

“Wastaua i save tok stret. Kain hevi olsem i bin painim mi tu. Bipo mi ting Wastaua i no inap stori long ol dispela samting, na mi ting ol Witnes Bilong Jehova i no inap kamapim ol dispela kain tok. Tasol nau mi save, ol i kolim stret ol samting i save kamap, na ol i tokaut klia long ol dispela hevi. . . . Taim mi kaunim Wastaua mi tingting: ‘Em nau, yu painim pinis wanpela samting i save tokaut stret na i no haitim sampela tok.’”

Sapos yu laikim wanpela samting bilong strongim bel bilong yu na helpim yu long karim ol hevi, mipela ting bai yu tu i laikim Wastaua. Sapos yu salim K1.20 tasol bai ol i salim ol nupela nupela Wastaua long yu long olgeta mun i go inap long wanpela yia, olsem 12-pela Wastaua olgeta.