Ol i Lukim i Stap Long Tebol Bilong Em

Wanpela man i wok long ples balus long Milan long Itali, em i putim wanpela buk i stap long tebol bilong em. Nem bilong dispela buk em Yu Inap i Stap Oltaim long Paradais long Graun. Em i opim buk long pes 12 na 13 long gutpela piksa i stap long dispela tupela pes. Taim ol man i wokabaut i kam klostu long tebol bilong em ol i lukim dispela gutpela piksa na ol i save sanap i stap na lukim buk, na planti ol i laik kisim dispela buk. Wanpela pailot, olsem kepten bilong balus, em i kisim dispela ‘buk na soim long ol boskru bilong balus. Bihain em i kam putim oda bilong kisim 37 moa. Wanpela mun bihain em i kam putim oda bilong kisim 48 moa bilong ol narapela pailot na boskru bilong balus. Dispela man i wok long ples balus i tilim 120 buk olgeta long ol man long ples balus.

Mipela save yu tu bai amamas long kaunim dispela gutpela buk. Em i gat 256 pes na 150 samting piksa long ol gutpela kala. Long rot bilong dispela buk yu inap save olsem wanem yu ken i stap oltaim long Paradais long graun. Putim oda nau. Em K2.00.