Pikinini Bilong Mi Em i Askim Askim Mi”

Wanpela papa i kam long bren-ofis bilong Sosaiti Was Taua long Peru na em i tok olsem. Em i tok:

“Inap sampela wik nau pikinini bilong mi i askim askim mi long kisim wanpela buk bilong em, em buk Baibel Stori Buk Bilong Mi. Wanpela wanskul bilong em i bin kisim dispela buk na pikinini bilong mi i lukim na em i askim askim mi long kisim wanpela bilong em. Mi painim painim, tasol mi no save mi inap kisim we. Mi go long stua bilong ol buk, tasol nogat.

“Mi tokim wanpela wanwok bilong mi long ofis, na em i tok mi mas i go long ol Witnes Bilong Jehova bilong kisim dispela buk. Mi tok, ‘O nogat! Mi no laik i go long dispela lain. Ol i save kam paitim dua long haus bilong mi na mi save rausim ol.’ Tasol dispela wanwok i tok, yupela i gutpela manmeri−em i litimapim tru nem bilong yupela na em i tok, dispela buk mi laik kisim em i gutpela buk tru. Olsem na nau mi kam long yupela na mi laik kisim dispela buk.”

Mipela save, yu tu bai yu laikim dispela buk i gat planti piksa long en. Ol 116 stori bilong en i helpim man i kaunim long save long ol tok bilong Baibel.

Plis salim dispela buk long mi, nem bilong en: Baibel Stori Buk Bilong Mi. Mi putim olsem K2.00 i stap insait long dispela pas.