Gutpela Yu Bilip Long God Triwan o Nogat?

Wanpela man bilong raitim stori bilong lotu long wanpela nius (em Ian Boyne long nius The Sunday Gleaner, bilong Jameka, long Wes Indis) em i stori long wanpela nupela liklik buk ol Witnes Bilong Jehova i kamapim na hap tok em i mekim em olsem:

“Yumi mas litimapim nem bilong ol Witnes long dispela liklik buk. Ol tok bilong en i klia tru, inap long wanpela yangpela i ken kaunim na kisim gut as bilong ol tok, tasol buk i kolim planti tok tru bilong ol saveman na ol buk i gat gutpela nem. . . . Dispela liklik buk Gutpela Yu Bilip long God Triwan o Nogat? em i nambawan samting bilong helpim ol Witnes long daunim tok bilong ol man i bilip long God Triwan​—⁠o tuwan​—⁠na ol i no inap bekim. Dispela liklik buk i kolim planti planti tok bilong ol buk i stori long samting bilong bipo na ol buk bilong lotu, na i kamapim klia olsem Baibel i no as bilong tok bilong God Triwan. Liklik buk ya i kolim tu tok bilong bikpela buk i stori long ol lotu, em Encyclopedia of Religion, em i tok: ‘Ol tisa bilong lotu i tok, dispela bilip bilong God Triwan i no stap long Nupela Testamen.’ ”

Dispela man i tok moa olsem: “Mi man bilong raitim stori bilong lotu na mi no save olsem wanem ol man nating bilong lotu inap bekim tok long ol dispela strongpela tok ol Witnes i bin kamapim bilong daunim dispela tingting olsem Jisas em i God.”

Sapos yu laik kisim dispela liklik buk, orait raitim nem na atres bilong yu long hap pepa daunbilo na salim i kam.

Mi laik kisim dispela liklik buk i gat 32 pes, nem bilong en Gutpela Yu Bilip long God Triwan o Nogat?

[Ol Piksa Kredit Lain long pes 32]

Musée du Louvre, Paris

Museo Egizio, Turin

Musée des Beaux-Arts de Troyes

Museo Bardini, Florence

Musée du Louvre, Paris