Yu Laik Tru Bai Wanpela Taim i Kamap . . .

□ na bai yu no ken pret taim yu stap long haus long san o long nait?

□ na bai i no gat wok moa long ol lok, na ol hap ain long windo, na strongpela banis, na ol sekuriti, na ol dok bilong was long haus, na ol narapela samting olsem bilong lukautim yumi?

□ na bai yu wanpela tasol yu ken wokabaut long rot, long taim bilong tudak tu, na yu no ken pret?

□ na bai ol drak nogut i pinis na yumi no ken tingim moa olgeta hevi ol i kamapim?

□ na bai olgeta pait i pinis, na ol man i no ken wokim o bungim ol samting bilong pait?

□ na bai yu no ken tingting planti long ol marasin nogut samting i bagarapim kaikai, na win, na wara?

□ na bai pasin bilong stilim man na pretim ol man long bom i pinis olgeta?

□ na bai ol man i lukautim gut ol diwai na wel samting bilong graun na mekim gutpela wok long en bilong helpim olgeta man?

□ na bai pasin bilong mangal na pasin bilong ol man i tingim ol yet tasol i no ken bosim moa ol man?

□ na bai ol pikinini i holim gutpela pasin bilong pikinini na tingim gut ol narapela na samting bilong ol?

□ na bai pasin bilong daunim ol meri i pinis?

□ na bai ol lo i helpim olgeta man na i gat stretpela kot?

□ na bai gavman i mekim ol samting bilong helpim tru ol man na i no ken tingting long helpim em yet tasol?

□ na bai olgeta man inap mekim olgeta samting i stret ol i ken mekim, no gat tambu, na ol man i no ken tok tasol long larim ol i stap fri olsem?

□ na bai pasin bilong i stap rabis i pinis, na bai olgeta i gat kaikai samting inap long ol bambai ol i ken i stap gutpela na i stap amamas, no gat sik?

□ na bai ol manmeri i laikim na lukautim gut ol pikinini na i no mekim nogut long ol o lusim o tromoi ol?

□ na bai sik na i dai i pinis, na bai i no gat ol sik nogut i save kalap long planti man?

□ na bai olgeta manmeri yu bungim ol i save mekim gutpela pasin bilong helpim ol narapela man na yu inap bilip long ol?

□ na bai olgeta man i tingim gut laip bilong ol narapela, na bai olgeta inap i stap amamas oltaim?

□ na bai lotu i no ken brukim moa ol manmeri i stap narapela narapela lain, na kirapim pasin bilong birua na bel nogut long man bilong narapela lotu na kamapim ol bikpela pait?

□ na bai olgeta i gat gutpela haus inap long ol, na i no gat wanpela man em i no gat ples slip?

Sapos yu laik bai gutpela taim olsem i kamap, orait bai yu amamas long kaunim ol tok i kamap bihain long dispela.