Gutpela Taim Tru Bilong Man

Long dispela taim, wanpela yangpela long hap bilong Naijiria, long Wes Afrika, em i raitim pas, na em i tok: “Pastaim mi ting olsem taim man i stap yangpela yet, em i no inap i stap amamas, na taim em i . . . bikpela pinis, em nau, bai em i stap amamas.”

Tasol dispela yangpela bilong Afrika i bin kisim wanpela buk, nem bilong en Rot Bilong i Stap Amamas Taim Yu Yangpela Yet, na em i tok: “Mi laik tok tenkyu tru long yupela, long wanem, ol tok bilong dispela buk i bin helpim mi long kain kain rot. Mi kaunim pinis ol tok bilong dispela buk na nau mi save, taim man i stap yangpela yet, em gutpela taim tru bilong em.”

Ol yangpela long nau i wok long i go bikpela namel long ol manmeri i mekim pasin nogut, na long olgeta de i gat kain kain nupela samting i save painim ol na ol i mas skelim gut wanem pasin i stret na ol i mas bihainim. Olsem: I stret yangpela i smok o kisim drak o nogat? Yangpela man i mas mekim wanem kain pasin long yangpela meri, na yangpela meri i mas mekim wanem kain pasin long yangpela man? Olsem wanem long pasin bilong pilai long sem na pasin bilong sodom?

Sapos ol i no tingim gut stretpela pasin ol i mas bihainim, bikpela hevi inap painim ol. Dispela buk, nem bilong en Rot Bilong i Stap Amamas Taim Yu Yangpela Yet em i bekim ol dispela askim na planti askim moa. Sapos yu laik kisim wanpela buk olsem, raitim nem na atres bilong yu long hap pepa i stap daunbilo na salim i kam.

Mi laik kisim dispela buk i gat 192 pes na strongpela karamap, nem bilong en Rot Bilong i Stap Amamas Taim Yu Yangpela Yet.