Wanpela Bikpela Samting Tru i Bin Kamap

Dispela bikpela samting em i dai bilong Krais Jisas. Bilong wanem em i bikpela samting?

Long wanem, i dai bilong Jisas i kamapim klia olsem i stret God i stap Nambawan Bikpela, na ol man inap tru long stap gut long God. Em i opim rot bambai ol man inap kisim laip i stap oltaim long gutpela ples paradais.

Long nait, paslain long taim Jisas i dai, em yet i kirapim wanpela bung bilong tingim i dai bilong em. Em i tokim ol disaipel bilong em: “Yupela i mas mekim olsem bilong tingim mi.” (Luk 22⁠:​19, 20) Bai yu tingim em? Ol Witnes Bilong Jehova i laik singautim yu i kam bung wantaim ol na tingim dispela bikpela samting. De bilong mekim olsem long dispela yia em Tunde, Epril 6, taim san i go daun pinis.

Plis go long wanpela Haus Kingdom klostu long hap bilong yu na askim ol, wanem ples na wanem klok stret bai ol i bung. Ol i no ken singaut long mani​—⁠ol i laik bai yu harim ol gutpela tok tasol na lukim sampela pasin bilong dispela bung.