Kain Samting Olsem Bai Pinis?

MASKI yumi go long wanem wanem hap long nau, yumi lukim pasin birua, kros, na pait. Tasol em i no wok bilong dispela nius long stori moa long ol stori nogut em yu save pinis long en. Dispela nius bai kamapim long yu tupela trupela tok em bai mekim gut bel bilong yu. Namba wan, ol tok profet bilong bipo i stap long Baibel i bin tokaut pinis long planti samting nogut bai kamap long taim bilong yumi na i mekim yumi i kirap nogut; namba 2, dispela buk i kamapim ol tok profet, em i tokaut long wanpela taim bai kamap na bai kain samting olsem i stap long dispela piksa hia bai stap olsem samting bilong bipo. Bai no gat pait moa. Bai no gat moa pasin bilong tromoi ol bom, sutim ol man long gan, na planim ol bom long graun, o mekim pasin birua long gavman. Bai no gat moa ol pikinini papamama bilong ol i dai pinis o ol refyuji i no gat haus. Taim bilong i stap bel isi tru bai i stap long graun. Yu laik i stap long kain taim olsem? Mipela i laik kirapim yu long kisim save long ol tok bilong Baibel. Maski yu bin ting Baibel i no inap helpim yu, bai yu painim planti tok bilong strongim bel bilong yu.