Ol Papamama i No Amamas Long Wanpela Tisa i Bel Nogut
Wanpela tisa bilong wanpela komyuniti skul long Kasano Murji, long Itali, i givim sampela pepa long ol sumatin bilong em bilong kisim i go long haus. Ol dispela pepa i bilong putim long ai bilong haus long dua, na pepa i gat tok olsem: “Mipela i Katolik. Mipela i laik toksave long ol Witnes Bilong Jehova olsem yupela i no ken paitim dispela dua.”
Sampela papamama bilong ol dispela pikinini, maski ol i no Witnes Bilong Jehova, ol i no amamas liklik long pasin tisa i mekim. Nius Muoviti Muoviti i tok olsem, ol papamama i kros na i tok, ‘taim tisa i givim dispela kain nius long ol pikinini, dispela inap mekim na ol pikinini i no laikim ol narapela i no gat wankain tingting olsem bilong ol, o ol bai i no laikim wanpela pikinini, long wanem, em i bilong “narapela” lotu.’ Wanpela mama i bin raitim pas i go long dispela nius na em i kolim dispela pepa olsem “pikinini bilong gras nogut, na pasin i no stret na pasin longlong i as bilong dispela pepa.”
Olsem dispela ripot i kamapim, planti man i gat stretpela tingting i luksave long samting nogut em pasin bilong tingting nogut long narapela inap kamapim. Na tu, ol dispela man i save daun long wok Kristen ol Witnes Bilong Jehova i mekim bilong autim tok long Itali na long olgeta hap bilong graun. Ol bai amamas long stori long yu, na taim ol i mekim olsem ol bai daun long yu.—1 Pita 3:15.