Ol i Save Kolim Nem Bilong God Long Sentral Afrika

PLANTI man long Sentral Afrika ol i bilip long God. Ol i bilip olsem em i Man bilong wokim olgeta samting. (KTH 4:​11) Tasol olsem planti man long olgeta hap bilong graun, ol i no save tingim tumas nem bilong God​​—⁠em Jehova.

Ol manmeri long Sentral Afrika na long sampela narapela hap bilong graun tu, ol i save toktok long nem bilong God taim ol i kolim Beten Bilong Bikpela na tok: “Nem bilong yu i mas i stap holi.” (Matyu 6:⁠9) Tasol inap longpela taim, wan wan man tasol i bin save long dispela nem. Isi isi, tingting bilong ol man long nem bilong God i senis, long wanem, ol Witnes Bilong Jehova i bin givim bel long autim tok long ol. Olsem na long nau planti man i save long nem bilong God na planti tok ples long Afrika i save kamapim dispela nem, olsem tok Sulu (uJehova), Yoruba (Jehofah), Kosa (uYehova) na Swahili (Yehova). Tasol maski ol i kolim nem bilong God long ol dispela tok ples, ol man i no laik long putim dispela nem long planti Baibel em ol i bin tanim ol tok bilong en.

Wanpela Baibel em ol i bin putim nem bilong God long en, em Baibel long tok Sandi. Ol i save mekim dispela tok ples long sampela hap bilong Ripablik Bilong Sentral Afrika, Sudan, na Ripablik Demokratik Bilong Kongo. Long ol dispela hap, ol man i save kolim nem bilong God na ol i save raitim long tok ples bilong ol yet olsem Yekova. Maski kain kain tok ples i gat narapela narapela pasin bilong kolim nem bilong God, em i bikpela samting long kolim dispela nem. Bilong wanem? Long wanem, “olgeta manmeri i singaut long nem bilong Jehova, bai em i kisim bek ol.”​​—⁠Rom 10:​13, NW.

[Mep/Piksa long pes 32]

(Bilong save ol dispela rait i stap we long pes, lukim buk o magasin)

SUDAN

RIPABLIK BILONG SENTRAL AFRIKA

RIPABLIK DEMOKRATIK BILONG KONGO

[Kredit Lain]

The Complete Encyclopedia of Illustration/J. G. Heck