King Henry Namba 8 na Baibel
LONG buk bilong em (History of the English-Speaking Peoples, Volium 2), Winston Churchill i tok: “Wok bilong stretim bek lotu i kamapim ol bikpela senis long ol bilip bilong lotu. Nau Baibel i kamap olsem wanpela samting ol man i tingim tru bilong kisim gutpela save na em i stiaim tingting bilong ol long planti samting. Ol manmeri i lapun liklik ol i ting Baibel Holi i wanpela buk em inap bagarapim tingting bilong ol man i no bin skul na ol pris tasol i ken ritim.”
Churchill i tok moa olsem: “Tyndal na Coverdale ol i tanim Baibel olgeta long tok Inglis, na namba wan taim ol i kamapim ol dispela Baibel em long Novemba samting bilong yia 1535, na bihain ol i wokim sampela Baibel moa. Gavman i tokim ol pris pasto long kirapim ol man long ritim Baibel.” Inap planti handet yia ol Inglan i no bin ritim Baibel, na nau Inglan i laik kamap wanpela kantri em ol lain bilong en i save ritim Baibel, tasol dispela samting i kamap long rot bilong King Henry Namba 8, na i no long rot bilong misin.a
“Ol manmeri i holim ol tingting bilong bipo ol i no amamas taim Gavman i tokim ol man long Paris long prinim planti Baibel long tok Inglis, na ol i mas wokim ol naispela Baibel tru, winim ol Baibel bilong bipo. Na long Septemba 1538, Gavman i tok olgeta haus lotu long kantri i mas baim wanpela bikpela Baibel tru long tok Inglis bilong putim long haus lotu, bambai ol man i kam lotu ol inap ritim Baibel. Ol i putim 6-pela Baibel long haus lotu St Paul, long biktaun London, na planti manmeri i kam bilong ritim long de olgeta, na ol i tokim mipela olsem ol i mekim moa yet taim wanpela man i gat strongpela nek i ritim strong.”
Sori tru, long planti kantri ol man i no save ritim Baibel long olgeta de. Em wanpela samting yumi tingting planti long en, long wanem, “Spirit bilong God yet i bin kamapim olgeta tok i stap long buk bilong God. Na dispela tok em i gutpela samting tru bilong skulim yumi long tok tru na bilong stretim ol manmeri tingting bilong ol i no stret na bilong stretim wokabaut bilong yumi na bilong skulim yumi long ol pasin i stret long ai bilong God.”—2 Timoti 3:16.
[Futnot]
[Piksa Kredit Lain long pes 32]
Henry VIII: Painting in the Royal Gallery at Kensington, from the book The History of Protestantism (Vol. I)