Nambawan Bikpela Samting i Bin Kamap

EM INDAI bilong Jisas Krais. Bilong wanem em i bikpela samting? I gat planti as bilong dispela.

Pasin bilong Jisas long i stap gut long God i go inap long taim em i dai i kamapim olsem ol man inap long i stap gut long God.

Indai bilong Jisas i opim rot long sampela man long wok king wantaim em long heven. Na tu, em i opim rot long planti moa i ken kisim laip i stap gut oltaim long Paradais long graun.

Long apinun paslain long taim Jisas i dai, em i mekim wok long bret i no gat yis na retpela wain bilong makim gutpela ofa bilong em. Na em i tokim ol disaipel bilong em: “Yupela i mas mekim olsem bilong tingim mi.” (Luk 22:19) Bai yu tingim dispela bikpela de?

Ol Witnes Bilong Jehova i singautim yu long kam bung wantaim ol bilong tingim indai bilong Jisas. Long dispela yia, de bilong mekim dispela bung em Fonde, Mas 28, long taim san i go daun pinis. Yu ken i go bung wantaim ol long Haus Kingdom i stap klostu long hap bilong yu. Askim ol Witnes Bilong Jehova long taim stret bilong dispela bung na long ples ol bai bung long en.