Yu Inap Lukim Long Tingting Ol Samting Yu Ritim?

BILONG wokim piksa long tingting, i gutpela long save gut long ol ples em buk yu ritim i stori long en. Olsem: Tingim ol raun bilong aposel Pol long wok misineri bilong em olsem Buk Aposel long Baibel i stori long en. Long namba wan raun bilong wok misineri bilong em, em i stat long Antiok, em ples ol disaipel bilong Jisas i kisim nem Kristen. Long dispela hap em i bin go long Salamis, Antiok long Pisidia, Aikoniam, Listra, na Derbe. Yu inap lukim long tingting ol dispela ples i bin stap we?

Ating nogat, tasol yu inap sapos yu gat wanpela mep. Long nupela buklet “See the Good Land,” i gat 36 pes long en, i gat kain mep olsem i stap. Wanpela meri long Montana, Amerika, i tenkyu long dispela buklet na i tok: “Mi ken lukim ol ples Pol i bin raun long en na mi traim long tingim sapos em i bin wokabaut o kisim sip. Na mi ken tingim wok em na ol narapela long taim bilong em i bin mekim bilong autim gutnius. Tenkyu long kain gutpela mep olsem i helpim mipela long lukim ol samting long tingting.”

Dispela buklet i gat mep bilong ol ples Pol i raun long en na i gat planti ol narapela mep i helpim man long lukim long tingting ol samting Baibel i stori long en. Yu inap kisim dispela buklet “See the Good Land” sapos yu raitim nem na atres bilong yu long hap hia na salim long atres i stap long dispela hap o i stap long pes 2 bilong dispela nius.

□ Salim wanpela buklet, “See the Good Land” long mi.

□ Plis kam lukim mi, mi laik stadi long Baibel, nogat pe.

[Piksa Kredit Lain long pes 32]

Pictorial Archive (Near Eastern History) Est.