Wanpela Liklik Meri i Gat Pasin Bilong Givim

I NO longtaim i go pinis, wanpela liklik meri long Brasil i gat 9-pela krismas em i bungim mani na long laik bilong em yet em i skelim i go long tupela hap​—18 dola na 25 dola. Em i putim 18 dola long kontribiusen bokis long Haus Kingdom bilong helpim ol long baim ol samting bilong kongrigesen. Na em i salim 25 dola i go long brens opis bilong ol Witnes Bilong Jehova wantaim wanpela sotpela pas. Pas bilong em i tok: “Mi givim dispela mani bilong helpim wok long olgeta hap. Laik bilong mi em long helpim planti brata na sista long olgeta hap bilong graun long autim gutnius. Mi laikim tru Jehova na mi givim dispela mani.”

Papamama bilong dispela liklik meri i bin skulim em olsem em i bikpela samting long mekim ol samting em inap mekim bilong helpim wok bilong autim tok bilong Kingdom. Na tu, ol i bin kirapim em long “givim biknem” long Jehova long rot bilong givim ol nambawan gutpela samting bilong em. (Snd. 3:9) Olsem dispela liklik meri, yumi olgeta i ken givim bel long helpim wok bilong Kingdom long hap yumi stap long en na long olgeta hap!