Bilong Ol Yangpela

Sambai Long Lotu i Tru!

Pasin bilong mekim: Mekim dispela projek long wanpela hap we i no gat planti nois. Taim yu ritim ol skripsa, tingim olsem yu yet i stap insait long stori. Piksaim long tingting ol samting i kamap. Harim nek bilong ol man i toktok. Pilim tingting bilong ol man insait long stori. Mekim dispela stori i kamap olsem samting tru tru em yu lukim i stap.

Ol man insait long stori: Elaija, Ahap, na 450 profet bilong god Bal.

Bikpela tok: Elaija i kamapim klia olsem Jehova i gat bikpela strong moa winim bilong Bal.

1 SKELIM SAMTING I KAMAP.​—⁠RITIM 1 KING 18:​17-40.

Piksaim long tingting, na long wanpela pepa droim piksa bilong Elaija long em i sanap we, ol profet bilong Bal i stap we, na ol alta i stap we.

Yu “harim” wanem kain nois taim ol profet bilong Bal i wok long singaut long en olsem ves 26 i go 29 i stori long en?

․․․․․

Taim Elaija i toktok long ol profet bilong Bal, krai bilong nek bilong em i kamapim wanem samting?

․․․․․

2 SKELIM I GO MOA.

Bilong wanem Elaija i mas i gat strongpela bel bilong i go lukim Ahap, na bihain em i mekim samting bai semim tru planti handet profet bilong Bal? (Givim tingting: Ritim 1 King 18:​4, 13, 14.)

․․․․․

Yusim ol buk bilong ol Witnes Bilong Jehova na mekim wok painimaut long lotu bilong Bal. Olsem: Wanem sampela pasin bilong lotu? Lotu bilong Bal i mekim wanem long lain Israel?

․․․․․

Yu ting bilong wanem Elaija i digim baret raunim alta bilong Jehova na pulimapim dispela baret long wara?

․․․․․

3 MEKIM GUTPELA WOK LONG SAMTING YU LAINIM. RAITIM SAMTING YU KISIM SAVE LONG EN . . .

Man i mas i gat strongpela bel bilong sambai long lotu i tru.

․․․․․

Ol gutpela blesing ol man i kisim long taim ol i gat strongpela bel olsem.

․․․․․

SAMPELA TOK MOA YU KEN MEKIM WOK LONG EN.

Long wanem kain taim bai i gat wok long yu mas i gat strongpela bel tru bilong sambai long lotu i tru?

․․․․․

4 WANEM SAMTING LONG DISPELA STORI YU PILIM TRU? BILONG WANEM YU TOK OLSEM?

․․․․․

YU KEN RITIM SAMPELA NIUS MOA BILONG BAIBEL LONG INTENET LONG www.watchtower.org

[Blok long pes 31]

Toksave Bilong Ol Kibung Distrik

Kirap long dispela yia, ol det na ples bilong ol kibung distrik long olgeta yia bai i no stap moa long Wastaua. Yu inap kisim toksave bilong en long jw.org Web sait.