Jisas i “Tekewe Sin Bilong Olgeta Manmeri”

Jon Bilong Baptais i tok, Jisas “i tekewe sin bilong olgeta manmeri!” ( Jon 1:29) Dispela i stiaim tingting bilong ol man i go long wok Jisas i bin mekim bilong kisim bek ol man i bihainim tok.

Tasol bilong wanem Jisas i mas dai bilong kisim bek ol sinman?

Em i bin redi long givim laip bilong em na dispela i kamapim wanem samting?

Dai bilong em i helpim husat?

Dai bilong em inap helpim yu olsem wanem?

Long olgeta yia, ol Witnes Bilong Jehova i save bung bilong tingim indai bilong Jisas, na ol i save mekim olsem long wankain det em Jisas i dai long en. Long dispela yia, bung bai kamap long Sande, Epril 17, taim san i go daun pinis.

Ol Witnes Bilong Jehova i amamas long singautim yu long kam bung wantaim ol na kisim save long as na Jisas i dai. Ol bai kamapim bekim bilong Baibel long ol dispela askim i stap antap.

Yu ken go long wanpela Haus Kingdom i stap klostu long hap bilong yu. Plis askim ol Witnes Bilong Jehova i stap long hap bilong yu long taim na ples stret dispela bung bai kamap long en.