Bilong Stadi

WOK BILONG OL STADI

STADI 1, 2 PES 10-19

Ol tok giaman bilong lotu i mekim na i olsem tingting bilong planti milion manmeri i slip na ol i no tingim laik bilong God. Dispela tupela stadi bai stori long olsem wanem yumi inap helpim ol manmeri long lusim slip na bilong wanem yumi mas mekim nau. Na tu, yumi ken tingim yet olsem taim i sot pinis, na bilong wanem i bikpela samting yumi givim bel long autim tok?

STADI 3 PES 20-24

Aposel Pita i tok ol Kristen God i makim i “wetim samting em tru tru bai kamap.” (1 Pita 1:3) Olsem wanem dispela tok i stret long ol, na dispela i mekim wanem long “ol arapela sipsip”? (Jon 10:16) Dispela stadi bai helpim yu long luksave olsem i gat as na yu ken amamas long hop bilong yu na yu ken save samting yu wetim bai kamap tru.

STADI 4 PES 25-29

Jisas i mekim tok lukaut olsem: “Yupela i mas tingim meri bilong Lot.” (Luk 17:32) Bilong wanem Jisas i mekim dispela tok lukaut? Dispela stadi bai helpim yumi long luksave long 3-pela samting long laip bilong yumi we dispela tok lukaut bai stret long en. Skelim sapos yu gat wok long stretim wanpela o tupela bilong dispela samting long laip bilong yu.