OL STADI

OL STADI

▪ Sanap Strong—Jehova i Stap Wantaim Yu!

Planti manmeri em Baibel i stori long ol, ol i kamapim pasin bilong bilip na strongim bel. Taim yumi skelim sampela ekspiriens bilong ol, dispela bai strongim yumi long kamapim pasin bilong bilip na strongim bel long mekim wok bilong Jehova. Dispela stadi bai stori long yiateks bilong yia 2013.

▪ No Ken Larim Wanpela Samting i Mekim Yu Stap Longwe Long Jehova

▪ Wok Yet Long i Go Klostu Long Jehova

I gat planti samting long laip bilong yumi em yumi yet i no inap long makim, olsem papamama, ol bratasusa, na ples yumi kamap long en. Pasin bilong yumi long pas gut wantaim Jehova i narapela kain. Yumi ken makim olsem yumi laik stap klostu long em o nogat. Ol dispela stadi bai stori long 7-pela samting long laip bilong yumi em yumi no ken larim wanpela samting i mekim na yumi stap longwe long Jehova.

▪ Mekim Wok na i No Bel Hevi

Yumi olgeta i bin mekim ol samting em bihain yumi tingting olsem i gutpela moa sapos yumi bin mekim narapela samting. Tasol yumi no ken larim kain tingting olsem i mekim yumi bel hevi na yumi no mekim wok bilong God long nau. Long dispela stadi, yumi bai kisim skul long pasin bilong aposel Pol long olsem wanem yumi ken mekim yet wok bilong Jehova na i no bel hevi.

▪ Ol Elda Kristen—‘Wanwok Bilong Yumi Bilong Mekim Yumi Amamas’

Long namba 2 pas bilong Pol long ol Korin, em i stori gut olsem em na ol poroman bilong em i stap olsem ‘ol wanwok bilong mekim ol i amamas.’ (2 Kor. 1:24) Dispela tok bilong Pol i mas mekim wanem long ol elda? Na yumi olgeta wan wan i ken mekim wanem na bai i gat amamas insait long kongrigesen? Long dispela stadi, yumi bai stori long bekim bilong ol dispela askim.