OL STADI

OL STADI

▪ Ol Man i Laikim Jehova, “I No Gat Wanpela Samting Inap Mekim Ol i Pundaun”

Olgeta Kristen i ron long resis bilong kisim laip oltaim. Tasol yumi olgeta i gat sin, olsem na yumi save pundaun. Dispela stadi bai helpim yumi long luksave long 5-pela samting we inap pundaunim yumi, na em bai stori long olsem wanem yumi no ken larim ol dispela samting i pundaunim yumi.

▪ “Tingting Bilong Bel” Bilong Yu i Gat Laik Long Kisim Save Long Jehova?

Buk Jeremaia i stori long tingting i stap long bel. Dispela stadi bai helpim yumi ol Kristen long luksave long ol samting we i makim olsem yumi “no save bihainim tok,” na olsem wanem dispela inap nogutim yumi. Na tu, yumi ken mekim wanem na bai “tingting bilong bel” bilong yumi i gat laik long kisim save long Jehova?—Jer. 9:26; 24:7.

▪ Yu “Save Long God”—Nau Yu Bai Mekim Wanem?

Yumi mas mekim wanem bilong kisim save long God na em i ken save long yumi? Maski Kristen i stap strong long bilip, olsem wanem em i mas wok yet long kamap strong, na bilong wanem? Dispela stadi bai bekim ol dispela askim.

▪ Jehova—Em Haus Yumi Stap Long En

Yumi stap long taim we pasin nogut bilong dispela graun inap bagarapim bilip bilong yumi, tasol yumi no ken pret. Dispela stadi i soim olsem yumi gat gutpela haus tru bilong stap long en—em God Jehova.

▪ Onarim Nem Bilong Jehova

Olsem wanem yumi stap olsem lain em nem bilong God i stap long ol? Olsem wanem yumi wokabaut long dispela nem? God i gat wanem tingting long ol man i no rispektim nem bilong em? Dispela stadi bai bekim ol dispela askim.