Wanpela Bung Yu No Ken Lusim

Long nait paslain long Jisas i dai bilong givim laip bilong em long baim bek ol man, em i tokim ol disaipel bilong em long tingim dai bilong em. Jisas i yusim bret i no gat yis na retpela wain long mekim dispela bung ol i kolim Laspela Kaikai o Kaikai Bilong Bikpela, na em i tok: “Yupela i mas mekim olsem yet bilong tingim mi.”—Luk 22:19.

Long olgeta yia, ol Witnes Bilong Jehova long olgeta hap bilong graun i save bung long tingim dai bilong Jisas na ol i save mekim olsem long wankain det em Jisas i dai long en. Long 2014, dispela bung bai kamap long Mande, Epril 14, taim san i go daun pinis.

Ol Witnes Bilong Jehova i amamas long singautim yu long kam long dispela bung na kisim save long as na Jisas i dai. Dispela bung em i fri. Ol i no inap singaut long mani. Man o meri husat i givim yu dispela nius bai tokim yu long taim na ples bilong dispela bung long hap bilong yu, o yu ken visitim Web-sait bilong mipela, jw.org. Mipela bai amamas sapos yu ken kam long dispela bung.