OL STADI

Moses i bilip, olsem na em i no tingim ol samting em inap lukim long ai, nogat, em i tingim sampela samting moa. Ol dispela stadi bai stori long hau yumi inap bihainim pasin bilong Moses long bilip na “sanap strong i stap, na i olsem em i lukim dispela Man em ol man i no inap lukim long ai.”—Hib. 11:27.

Planti milion manmeri long olgeta hap i lusim ples na go long narapela hap long painim wok mani. Ol i lusim poroman marit na pikinini. Ol dispela stadi bai helpim yumi long save long Jehova i laik bai yumi holim wanem tingting long wok bilong famili na hau em i helpim yumi long inapim dispela wok.

Taim yumi ritim olsem, “Bikpela i save lukim olgeta samting i kamap long olgeta hap,” sampela i pilim olsem God i tingting tasol long strongim ol lo, na dispela inap mekim na yumi kisim tingting kranki na pret long em. (Snd. 15:3) Dispela stadi bai stori long 5-pela rot we yumi inap kisim helpim long pasin bilong Jehova long tingim yumi na lukim olgeta samting yumi mekim.