Wastaua INTENET LAIBRERI
Wastaua
INTENET LAIBRERI
Tok Pisin
  • BAIBEL
  • Ol PABLIKESEN
  • Ol MITING
  • w14 7/1 p. 16
  • Bekim Ol Askim Bilong Baibel

No gat vidio bilong dispela seksen.

Sori, popaia kamap long lodim vidio.

  • Bekim Ol Askim Bilong Baibel
  • Wastaua i Tokaut Long Kingdom Bilong Jehova—2014
  • Wankain Infomesen
  • Kam Klostu Long God Long Rot Bilong Beten
    God i Laik Yumi Mas Mekim Wanem?
  • Beten Em Wanpela Presen i Kam Long God
    Tok Baibel i Skulim Yumi Long En
  • Go Klostu Long God Long Rot Bilong Beten
    Stap Amamas Oltaim!—Stadi Long Baibel
  • Go Klostu Long God Long Rot Bilong Beten
    Tru Tru Baibel i Tok Wanem?
Lukim Moa
Wastaua i Tokaut Long Kingdom Bilong Jehova—2014
w14 7/1 p. 16
Wanpela man i beten

BEKIM OL ASKIM BILONG BAIBEL

Bilong wanem yumi mas beten?

God Jehova i laik yumi mas kamapim tingting bilong yumi long em long rot bilong beten long olgeta taim. (Luk 18:1-7) Em i save harim ol beten bikos em i laik helpim yumi. Papa bilong yumi long heven i laik yumi mas beten long em, olsem na i stret yumi mekim olsem.—Ritim Filipai 4:6.

Yumi no beten bilong kisim helpim na em tasol, nogat. Beten i helpim yumi long go klostu long God. (Song 8:3, 4) Taim yumi kamapim tingting bilong yumi long God long olgeta taim, bai yumi go klostu moa long em.—Ritim Jems 4:8.

Yumi mas bihainim wanem pasin taim yumi beten?

Taim yumi beten, God i no laik yumi mas yusim ol kain kain bilas tok o kolim ol wankain tok. Na tu, i no olsem yumi mas brukim skru o daunim het na dispela bai mekim na God i harim yumi. Jehova i laik yumi mas kamapim tingting bilong yumi taim yumi beten. (Matyu 6:7) Olsem, long taim bilong lain Israel long bipo, Hana i gat hevi insait long famili, olsem na em i beten. Tasol bihain taim em i no bel hevi moa na em i amamas, em i beten na tenkyu long God.—Ritim 1 Samuel 1:10, 12, 13, 26, 27; 2:1.

Beten em wanpela gutpela presen tru! Yumi inap kamapim tingting bilong yumi long Krieta bilong yumi. Na tu, yumi inap tok tenkyu na givim biknem long em. Olsem na yumi laik yusim dispela gutpela presen em God i givim long yumi.—Ritim Song 145:14-16.

Bilong kisim sampela save moa, lukim sapta 17 bilong dispela buk, Tru Tru Baibel i Tok Wanem? em ol Witnes Bilong Jehova i wokim

I stap long www.jw.org/tpi

    Tok Pisin Pablikesen (1983-2025)
    Log Aut
    Log In
    • Tok Pisin
    • Serim
    • Preferens
    • Copyright © 2025 Watch Tower Bible and Tract Society of Pennsylvania
    • Ol Lo Bilong Yusim
    • Privacy Policy
    • Ol Praivesi Seting
    • JW.ORG
    • Log In
    Serim