OL STADI

Kisim save long pasin bikhet i bin kamap long Iden na olsem wanem dispela i bin putim hevi long ol man na ol meri. Kisim save long ol ekspiriens bilong sampela bilipmeri long bipo. Na tu, kisim save long wok ol meri i mekim long nau bilong kamapim samting God i tingting pinis long mekim.

Olgeta wan wan pablisa bilong Kingdom i laik mekim gut wok bilong autim tok. Kisim save long sampela rot bilong yusim Baibel na ol liklik nius long kirapim ol man long toktok, na yumi inap putim tok bilong Jehova i go daun long bel bilong ol.

Yumi mas pas gut wantaim Krieta bilong yumi. Jehova i bin redim ofa bilong baim bek man na em i kamapim ol tok bilong em i stap long Baibel. Kisim save long olsem wanem dispela i soim klia olsem em yet i mekim ol samting bilong kirapim yumi long i go klostu long em.

Sapos yumi laik wokabaut long rot bilong tok i tru, orait yumi mas putim yau long tok i kam long Jehova. Kisim save long olsem wanem yumi inap putim gut yau long nek bilong Jehova maski Satan na ol pasin kranki bilong yumi i laik pasim yumi long mekim olsem. Dispela stadi bai helpim yumi long luksave olsem em i bikpela samting long yumi mas toktok gut wantaim God.