OL STADI

Dispela stadi bai stori long sampela samting we i mekim na planti manmeri i kisim tingting olsem ol Witnes Bilong Jehova i holim tok i tru. Na tu, yumi bai skelim sampela samting we i mekim na ol Witnes yet i bilip olsem ol i holim tok i tru.

Yumi stap long dispela haptaim em Satan i bosim, olsem na yumi save bungim ol bikpela hevi tru. Sampela pasin birua i save painim yumi long ples klia, na sampela i save kamap long pasin hait. Dispela stadi bai helpim yumi long luksave na redi long bungim ol dispela hevi.

Ol papamama i gat wok long mekim bikpela long pikinini bilong ol “na trenim ol olsem Jehova i makim, na putim tingting bilong em long bel bilong ol.” (Efe. 6:4) Dispela stadi i stori long 3-pela rot ol papamama inap bihainim, na ol inap lukautim gut ol pikinini long sait bilong bilip.

Hau na dai i painim olgeta man? Hau bai “dai, dispela laspela birua,” i pinis olgeta? (1 Kor. 15:26) Ol bekim bilong ol dispela askim bai kamapim klia ol pasin bilong Jehova, olsem stretpela pasin, savetingting, na moa yet em pasin laikim.

Inap longpela taim nau, Jehova i gat ol gutpela wokman husat i mekim wok bilong em maski ol i bungim ol hevi long dispela haptaim bilong nau. Yu inap mekim wanem bilong ‘tingim ol wok em bilip bilong ol i kirapim ol long mekim na ol hatwok em pasin laikim i kirapim ol long mekim’?—1 Tes. 1:3.