OL STADI

Kisim save long risen na yumi ken bilip tru olsem Jisas i bin kirap bek long indai na em i stap laip long nau. Krais i bin kirap bek na kisim laip oltaim long heven na em i no inap i dai moa, olsem na dispela i mas stiaim wokabaut bilong yumi na wok bilong yumi long autim tok bilong Kingdom.

Ol dispela stadi i stori gut long ol tok i stap long Buk Wok Pris, na em i kamapim klia risen na Jehova i laik bai lain bilong em i mas i stap holi, na olsem wanem yumi inap bihainim dispela pasin. Na tu, dispela stadi i stori long ol samting yumi mas mekim bilong soim olsem yumi stap holi long olgeta wokabaut bilong yumi.

Sampela Baibel sumatin bilong yumi i no kliagut olsem Jehova i gat wanpela oganaisesen tasol long graun. Ol i pilim olsem maski ol man i stap long wanem lotu, God bai orait long ol sapos bel bilong ol i stap stret. Ol dispela stadi bai stori long wai na em i bikpela samting long yumi mas luksave long husat lain i stap olsem lain manmeri bilong God na yumi mas kamap wanlain wantaim ol na mekim wok bilong Jehova.