OL STADI

Insait long hap bilong oganaisesen bilong God long graun, i gat planti samting i stap bilong strongim bilip bilong ol manmeri bilong Jehova. Olsem wanem yumi inap soim olsem yumi amamas tru long ol samting Jehova i givim long yumi? Yumi olgeta wan wan inap mekim wanem bambai yumi ken amamas moa yet long ol dispela samting? Dispela stadi bai bekim ol dispela askim.

Dispela stadi bai stori long sampela bikpela samting em klostu nau bai kamap. Na tu, em bai stori long as na ol manmeri bilong God inap sanap strong long bilip taim traipela hevi tru i kirap.

Satan i bosim dispela graun, olsem na ol manmeri i no gat pasin bilong i stap gut long God, nogat, ol i stap gut long kain kain samting. Tasol ol Kristen i tok promis olsem ol bai i stap gut long Jehova. Dispela stadi bai stori long as na yumi no insait long ol tok pait bilong dispela graun. Na tu, em bai stori long olsem wanem yumi inap trenim tingting na maus bilong bel bambai yumi no insait long ol dispela tok pait.

Taim ol manmeri bilong Jehova i laik mekim lotu, ol i save bung long planti tausen Haus Kingdom na ol narapela ples bung long olgeta hap bilong graun. Long dispela stadi, yumi bai skelim sampela stiatok bilong Baibel we inap helpim yumi long holim stretpela tingting, givim kontribiusen, na lukautim gut ol samting i stap long Haus Kingdom, na dispela bai givim glori long Jehova.