Taim i Luk Olsem i Hatwok Long Karim Hevi

Olsem, Sally,a long Amerika, em strongpela win i bin bagarapim olgeta kago bilong em, i tok: “Mi no save hamas hevi moa mi mas karim. Planti de mi pilim olsem mi no inap karim ol dispela hevi.”

O olsem wanem sapos wanpela yu laikim tru i dai? Janice, long Australia, i tok: “Taim tupela pikinini man bilong mi i dai, i stap bilong mi i bagarap tru na mi traim bes long stretim gen ol samting. Planti taim mi askim God: ‘Plis, mi no inap karim hevi moa! Larim mi slip. Mi no laik kirap gen.’”

Tasol hevi bilong Daniel i narapela, hevi i daunim em tru taim meri bilong em i no stap gut long em. Em i tok: “Taim meri bilong mi i tokaut olsem em i no bin stap gut long mi, dispela i olsem naip i sutim lewa bilong mi. Mi pilim dispela pen i sutim mi gen na gen—na dispela pen i stap inap sampela mun.”

Dispela nius Wastaua bai stori olsem i gat risen long stap laip maski taim

• Disasta i kamap

• Wanpela yu laikim tru i dai

• Poroman marit i no stap gut

• Yu karim hevi bilong bikpela sik

• I hatwok long karim hevi

So pastaim, bai yumi stori long hau yumi inap karim hevi taim disasta i kamap?