Ol Toksave

● Samting bilong tilim long Mas: Ol olpela buk i gat 192 pes, olsem buk Nau Tasol o buk Yangpela o buk Bel Isi, long 40 toea. O yu ken tilim “Tripela Wantaim” long K1.00.

● Samting bilong tilim long Epril: Sabskripsen bilong Wastaua long K3.00. Sapos man i no kisim sabskripsen, orait tilim tupela magasin na wanpela buklet long 80 toea. (No ken tilim buklet Skul.)

● Samting bilong tilim long Me: Sabskripsen bilong Wastaua long K3.00.

● MEMORIAL: Em bai kamap long Sarere, Mas 30, 1991, taim san i go daun pinis. Yupela i stretim rot pinis bilong kisim bret na wain? Yupela mas tingim gut dispela samting paslain tru long taim bilong Memorial.

● BIKPELA PABLIK-TOK: Bikpela pablik-tok bai kamap long Sande, Epril 7, 1991. Het-tok bilong dispela tok em olsem: Krais i Stap King na Em Bai Bosim Ol Man. Sapos wasman sekit bai kam lukim kongrigesen, o ol i makim kibung sekit o bikpela de kibung i kamap long Epril 7, orait, yupela i ken mekim bikpela pablik-tok long wik antap, olsem long Epril 14, 1991.

● Mipela i laik kirapim olgeta pablisa long kisim sabskripsen bilong Wastaua na Kirap! bilong ol yet. Sapos inap, mipela i laik bai yu kisim sabskripsen bilong yu yet long atres bilong kongrigesen. Long dispela rot mipela inap salim planti sabskripsen wantaim, na bai mipela i no ken tromoi bikpela mani tumas long baim ol stem long pos-ofis.

● PUTIM ODA LONG OL MAGASIN: Ol kongrigesen i mas stretim oda bilong kisim Wastaua long tok Pisin na tok Motu, long wanem, kirap long Wastaua bilong mun Septemba ol bai wokim tupela Wastaua long olgeta mun na long 4-pela kala. Olgeta kongrigesen bai amamas long kisim. Mipela i salim pas long ol kongrigesen bilong helpim ol long tingim hamas magasin ol i mas kisim long oda. Na bihain, taim yupela i save hamas magasin tru yupela i mas kisim, orait kongrigesen i ken stretim oda gen.