Ol Miting Bilong Helpim Yumi Long Kamapim Ol Disaipel
WIK I KIRAP LONG JUN 3
Singsing 159 (nupela) 67 (olpela)
(10 min) Ol toksave bilong kongrigesen.
(20 min) “Helpim Ol Nupela Man long Bekim Tok long Miting.” Paslain long miting makim sampela bilong kaunim ol paragraf, em ol i save gut long kaunim. Taim yu pinisim paragraf 3, mekim liklik soim, i olsem wanpela Baibel-stadi i pinis, na pablisa i bosim Baibel-stadi em i kamapim long sumatin ol samting bilong paragraf 3.
(15 min) Stori Bilong Dispela Mun. Toktok wantaim ol brata long Stori Bilong Dispela Mun na helpim ol long save olsem wanem dispela tok inap helpim ol man long nau. Klostu olgeta manmeri long Papua Niugini i laikim tru Baibel. Olsem na i no hatwok long tingim wanpela tok yumi inap wanbel long en. Long nau, planti man i no save tingim laip i bikpela samting, olsem na pasin pait na kilim man i dai i kamap bikpela. Tasol yumi inap mekim gut bel bilong ol man na tokim ol sapos ol i kisim save long tok bilong Baibel dispela bai helpim ol long kisim laip i stap gut oltaim. Redim gut na mekim dispela tupela soim hia:
Bilong Wanem Yumi Mas Kisim Save long Baibel?
2 Ti 3:16, 17—Tok bilong God i gutpela bilong helpim yumi
Jo 17:3—Tok bilong God em i rot bilong kisim laip oltaim
SOIM 1: Wanpela strongpela pablisa i toktok wantaim nupela pablisa long Stori Bilong Dispela Mun na long olsem wanem nupela pablisa i ken insait long tok bilong Matyu 24:14.
SOIM 2: Tupela pablisa hia i toktok wantaim man bilong haus.
Strongpela Pablisa: Moning! Gutpela tru yu stap. Nem bilong mi . . . na pren bilong mi hia, nem bilong em . . .
Man Bilong Haus: Nem bilong mi . . .
Strongpela Pablisa: Mipela raun long dispela hap bilong helpim ol man long kisim save long tok bilong Baibel na olsem wanem tok bilong Baibel i ken helpim yumi long winim ol hevi. Hevi i save painim yumi olgeta, a?
Man Bilong Haus: Em i stret, mi gat planti hevi. Na sampela taim mi no save long rot bilong stretim!
Nupela Pablisa: Yes, bipo mi tu mi save pilim olsem. Tasol taim mi kirap stadi long Baibel, tok bilong Baibel i helpim mi tru.
Man Bilong Haus: Mi gat Baibel. Tasol olsem wanem Baibel inap helpim mi long stretim ol hevi bilong mi? Mi no save.
Strongpela Pablisa: Gutpela sapos yu kisim Baibel bilong yu na yumi ken lukim sampela tok bilong helpim yu. (Em i kisim Baibel. Pablisa i kaunim 2 Timoti 3:16, 17 na em i kamapim gut insait bilong en.)
Nupela Pablisa: Sapos yumi larim Tok Bilong God i stiaim tingting bilong yumi, bai yumi inap kisim ol gutpela samting bihain, olsem Jon 17:3 i tok. (Kaunim. Strongpela Pablisa i tilim buklet na em i tok em i laik kam bek lukim dispela man.)
Singsing 59 (nupela) 31 (olpela) na beten.
WIK I KIRAP LONG JUN 10
Singsing 221 (nupela) 19 (olpela)
(10 min) Ol toksave bilong kongrigesen.
(20 min) “Autim Gutpela Tok—Long Ol Pikinini.” Tokim wanpela long kaunim ol paragraf. Taim em i kaunim pinis wanpela paragraf, kamapim askim bilong dispela paragraf.
(15 min) Ol Yangpela i Litimapim Nem Bilong Jehova. Toktok wantaim wanpela o tupela pablisa em ol i bin kirap mekim wok autim tok taim ol i manki yet. Askim ol: “Wanem samting i bin kirapim tingting bilong yu na yu laik harim tok bilong Kingdom? Taim yu dediket na baptais, olsem wanem dispela samting i helpim yu long karim ol hevi i painim yu taim yu wok long i go bikpela?” Toktok wantaim wanpela o tupela yangpela pablisa, em ol i save autim tok long skul o ol i save gut long autim tok long ol haus. Askim ol: “Olsem wanem na yu inap autim gut tok? Wanem samting i helpim yu na yu no pret long autim tok? Papamama na ol strongpela brata sista long kongrigesen i bin mekim wanem bilong helpim yu long kamap strong?” Gutpela sapos ol papamama Kristen i wok long helpim ol pikinini bilong ol long kamap strong na bai ol inap dediket na kisim baptais.—Wastaua bilong Mas 1988, pes 19, paragraf 21, 22.
Singsing 157 (nupela) 73 (olpela) na beten.
WIK I KIRAP LONG JUN 17
Singsing 180 (nupela) 100 (olpela)
(10 min) Ol toksave bilong kongrigesen. Ripot bilong wok autim tok. Kolim hamas pablisa ia bin autim tok lon Me 1990, na skelim wantaim ripot bilong Me 1991.
(20 min) “Lainim Ol Baibel-Stadi long Mekim Wok long Baibel.” Paslain long miting, makim sampela brata sista bilong kaunim ol paragraf. Taim brata o sista i kaunim pinis paragraf, nau kamapim askim bilong en.
(15 min) “Julai! Longwe Teritori—Yupela i Mas Redi Gut.” Wasman bilong wok autim tok o narapela elda i save gut long teritori i mas lukautim dispela hap. Makim sampela brata sista long kaunim ol paragraf. Kaunim pinis paragraf, orait kamapim askim bilong en.
Singsing 193 (nupela) 103 (olpela) na beten.
WIK I KIRAP LONG JUN 24
Singsing 8 (nupela) 38 (olpela)
(10 min) Ol toksave bilong kongrigesen. Ripot bilong ol akaun.
(20 min) “Kirapim na Pinisim Ol Miting long Taim Stret Ol i Bin Makim.” Paslain long miting makim wanpela brata i save gut long kaunim tok na bai em inap kaunim ol dispela paragraf. Kaunim pinis paragraf, orait kamapim askim bilong en.
(15 min) Kisim Stretpela Tingting long Taim Bilong Malolo na Amamas. Singautim sampela yangpela i kam antap long pletfom na ol i ken stori long ol samting ol i mekim long taim bilong malolo na amamas bilong ol. Lukim buk Yangpela, sapta 16, 17. Givim ol dispela askim long ol:
1. Bilong wanem yu mas skelim gut ol buk samting yu laik kaunim?
2. Wanem samting inap helpim yu long skelim gut ol buk yu laik kaunim?
3. Ol samting yu lukim long televisen inap nogutim yu olsem wanem? Taim yu laik lukim televisen, yu mekim wanem bilong bosim gut skin bilong yu long dispela samting?
4. Yu no save bihainim pasin bilong ol yangpela bilong ausait, na olsem wanem yu no sot long ol samting bilong amamas?
5. Sapos yu bihainim pasin bilong ol yangpela bilong ausait, olsem wanem dispela inap nogutim yu?
6. Kolim sampela gutpela samting yu bin mekim bilong kisim malolo na amamas.
7. Bilong wanem yu mas kisim stretpela tingting long dispela samting?
Singsing 138 (nupela) 71 (olpela) na beten.