Skulim Maus Bilong Yumi Long Helpim Ol Man i Bel Hevi
1 I gat planti samting long nau i save mekim ol man i bel hevi, olsem: Sot long mani, o wanpela long famili i dai, o pikinini o poroman marit i no strong long ol samting bilong spirit, na kain samting olsem. Sapos yumi bel hevi long wanpela samting, dispela inap mekim na bai yumi no strong tumas long sakim ol samting Satan i mekim bilong pundaunim yumi.—Snd 24:10.
2 Ol Kristen i gat wok long helpim ol narapela. (1 Te 5:14; Ga 6:2) Sapos yumi mekim olsem bai yumi bihainim pasin bilong Jisas. (Mt 11:28-30) Olsem wanem yumi ken mekim? Yumi mas sori long ol narapela na pilim tru hevi bilong ol. (Ro 12:15) Yumi mas redi long helpim ol long ol samting bilong skin.—Je 2:14-17.
3 (Makim tupela o 3-pela brata sista, na ol i ken sindaun tasol long sia bilong ol na mekim liklik stori long olsem wanem ol narapela i bin strongim ol long taim ol i gat hevi.—Ap 28:15.)
4 Olsem na bilong helpim yumi long sanap strong na bai yumi no bel hevi long wanpela samting, orait, yumi mas go klostu tru long Jehova long bel na tingting bilong yumi, na askim ol elda long helpim yumi, na beten long olgeta taim.—Je 4:8; Ais 32:1; Ef 6:17, 18.
This article is unique to PNG.