Ol Toksave

◼ Samting bilong tilim long Septemba: Buk Stap Oltaim o buk Baibel Stori long K2.00.

◼ Long kibung distrik long Pot Mosbi (Disemba 27-29, 1991) ol bai tanim olgeta tok long han bilong helpim ol man i yaupas. Ol kibung distrik i kamap long ol narapela hap bilong Papua Niugini bai i no gat dispela samting.

◼ Nau yu ken putim oda long kongrigesen bilong kisim nupela video-kaset Jehovah’s Witnesses​—⁠The Organization Behind the Name (tok Inglis). Kongrigesen i ken raitim oda long pepa “Oda Bilong Ol Buk Samting” (S-14). Mipela ting pe bilong dispela video-kaset em bai olsem: pablisa na ol narapela man, K15.00; painia, K12.00. Taim ol brata i putim oda long kongrigesen, ol i mas putim mani wantaim oda; ol i no ken oda nating. Na taim kongrigesen i kisim pinis ol dispela video-kaset, kongrigesen i mas salim dispela mani i kam long pinis bilong mun. Olsem na kongrigesen i mas oda inap stret long dispela oda ol brata i putim na no ken apim dispela oda sapos ol i no bin putim mani. (Ol i wokim dispela video-kaset long VHS tasol.)

◼ Nau yu ken putim oda long kongrigesen bilong kisim ol volyum bilong Wastaua (tok Inglis) bilong yia 1980-1985, em ol i wokim gen. Kongrigesen i ken raitim oda long pepa “Oda Bilong Ol Buk Samting” (S-14). Taim ol dispela volyum i pinis, Sosaiti i no ken wokim sampela moa, olsem na gutpela sapos yu lukim gut laibreri bilong yu​—⁠ol dispela volyum i stap o nogat. Taim ol brata i putim oda long kongrigesen, ol i mas putim mani wantaim oda; ol i no ken oda nating. Kongrigesen i mas oda inap stret long dispela oda ol brata i putim na no ken apim dispela oda sapos ol i no bin putim mani.

◼ Samting bilong tilim long Oktoba: Sabskripsen bilong Wastaua long K6.00 o sabskripsen bilong Kirap! long K3.00. O yu ken tilim sabskripsen bilong Wastaua na Kirap! tupela wantaim long K9.00.

◼ Samting bilong tilim long Novemba: Baibel New World Translation (tok Inglis) wantaim buk Wanbel long K4.30, o yu ken tilim wanpela buklet long 30 toea. (No ken tilim buklet Skul.)

◼ Septemba em i namba wan mun bilong yia bilong wok bilong 1992. Olsem wanem? Sapos yu no gat Baibel-stadi, yu bin beten askim God long helpim yu long kisim wanpela Baibel-stadi long dispela yia bilong wok?

◼ Olsem wanem? Yu amamas long kisim ol nupela Wastaua ol i wokim long kala kala long tok Pisin na tok Motu? Gutpela sapos nau yu redim ol samting na bai yu inap mekim wok painia haptaim long mun Oktoba, em mun Sosaiti i makim bilong tilim sabskripsen bilong Wastaua.

◼ Dispela mun i laik pinis, olsem na gutpela sapos nau yu raitim ripot bilong yu bilong Septemba.