Ol Toksave

◼ Samting bilong tilim long Novemba: Baibel New World Translation (tok Inglis) wantaim buk Wanbel, long K4.30. Sapos kongrigesen i no holim dispela buk, orait tilim Baibel wantaim narapela buk i gat 192 pes long en, o yu ken tilim Baibel wantaim wanpela buklet. (No ken tilim buklet Skul.)

◼ Olsem wanem? Yu putim pinis oda long kongrigesen bilong kisim ol samting bilong 1992? Olsem: Yearbook bilong 1992 (tok Inglis); Skelim Sampela Tok Bilong Baibel Long Olgeta De​—⁠1992; ol volyum bilong Wastaua na Kirap! 1991 (tok Inglis, na tok Pisin); Kalenda bilong ol Witnes Bilong Jehova bilong 1992 (tok Inglis). Kongrigesen i ken raitim oda long “Pepa Bilong Putim Oda Long Ol Samting Bilong 1992.” (Mipela i bin salim dispela pepa i go long ol kongrigesen wantaim pepa Statement bilong Ogas.) Dispela nupela kalenda i gat ol gutpela piksa long en na i gutpela bilong lainim yumi. Em i gat sampela poto bilong Graun Bilong Promis na sampela piksa bilong ol samting i bin kamap long ol dispela hap olsem Baibel i stori long en. Dispela samting bai helpim yumi long pilim tru ol dispela samting i bin kamap bipo.

◼ Taim sabskripsen bilong yu yet i laik pinis, mipela i laik bai yu kisim gen long rot bilong kongrigesen. Sapos inap, mipela i laik bai yu kisim sabskripsen bilong yu yet long atres bilong kongrigesen. Long dispela rot bai mipela i no ken tromoi bikpela mani tumas long baim ol stem long pos ofis. Na tu, sapos yu laik putim oda bilong ol buk na ol narapela samting, mipela i laik bai yu putim oda long kongrigesen na bai kongrigesen i ken raitim long pepa “Oda Bilong Ol Buk Samting” (S-14). Nogut yu yet yu salim oda bilong yu long Sosaiti. Wanpela toksave: No ken mekim wok long ol hap pepa i stap long baksait bilong Wastaua na Kirap!; em bilong ol ausaitman tasol.

◼ Olsem wanem? Kongrigesen i putim pinis oda bilong kisim liklik kat bilong kibung distrik bilong 1991/92 bilong raitim nem long en na pasim long klos? Kongrigesen i ken putim dispela oda long pepa “Special Order For District Convention Lapel Cards.” (Mipela i bin salim dispela pepa i go long ol kongrigesen wantaim pepa Statement bilong Ogas.) Kongrigesen i mas oda inap stret long ol pablisa wantaim ol pikinini bilong ol. Ol pablisa i no inap baim ol dispela kat taim ol i kamap long kibung distrik. (Pe bilong baim ol wan wan kat, em 2 toea; plastik bilong putim kat long en, em 10 toea.)

◼ Samting bilong tilim long Disemba: Buk Baibel Stori o buk Stap Oltaim, long K2.00. Janueri: Ol olpela buk i gat 192 pes long en, long 40 toea, em ol i wokim long 1983 o paslain long en.