Ol Miting Bilong Wok Bilong Novemba
Wik i Kirap long Oktoba 28
Singsing 100 (olpela 15)
(10 min) Ol toksave bilong kongrigesen.
(20 min) “Narapela i Ken Helpim Narapela—Long Mekim Wanem?” Wanpela brata i ken mekim dispela tok na kamapim sampela askim. Yumi olgeta i amamas tru long kisim tupela Wastaua long olgeta mun em ol i wokim long gutpela kala kala long tok Pisin na tok Motu. Sapos i gat taim bilong kaunim, makim sampela brata o sista long kaunim ol paragraf na ol tok bilong Baibel.
(15 min) Mekim Wok Long Wastaua. Wanpela soim. Brata i lukautim dispela soim em i mas save, yumi laik bai olgeta wan wan long miting i mas i gat Wastaua bilong ol yet, maski ol i lain yet na ol i no save gut long kaunim.
SOIM: Brata i lukautim dispela soim i ken mekim dispela tok:
Brata: Nau bai yumi lukim wanpela Stadi Wastaua. Brata bilong lukautim Stadi em i bin redim gut. Husat i kam long dispela miting? Long hap hia yumi lukim wanpela mama na liklik pikinini meri bilong em. Tupela i holim Wastaua na Baibel bilong ol yet. Na brata hia i sindaun wantaim wanpela lapun. Tupela tu i holim Wastaua bilong ol yet. Na long hap yumi lukim wanpela sista i sindaun wantaim Baibel-stadi bilong em. Tupela i gat Wastaua bilong tupela yet. Orait, nau yumi ken putim yau long ol tok bilong brata bilong lukautim Stadi:
Brata bilong lukautim Stadi: Brata Stiven, plis yu ken kaunim paragraf.
Brata bilong kaunim paragraf: (Em i kaunim wanpela sotpela paragraf long Wastaua bilong stadi long en long dispela wik. Taim em i kaunim, narapela i ken helpim narapela i sindaun wantaim ol long pletfom long bihainim ol tok bilong brata bilong kaunim paragraf.)
Brata: Em i no kaunim hariap na em i kaunim gut na bai man i ken pilim dispela tok. Yu lukim narapela i helpim narapela long bihainim ol tok bilong brata bilong kaunim paragraf? Em wanpela rot bilong lain long kaunim buk. Orait, nau Stadi Wastaua i laik pinis. (Liklik kongrigesen i lusim pletfom.)
Brata: Narapela i mas wok strong tru long helpim narapela long kongrigesen i no save gut long kaunim buk o em i no bin lain long kaunim, tasol dispela wok bai karim gutpela kaikai. Yumi kaunim Aisaia 40:29-31. (Em i kamapim sampela liklik tok long dispela skripsa.)
Brata: Nau 6-pela mun i lus pinis. Yumi lukim gen dispela kongrigesen. (Liklik kongrigesen i kam antap gen long pletfom.) Ol dispela brata sista i bin wok strong na ol i no les. Stadi Wastaua i laik pinis, tasol brata bilong lukautim Stadi i tokim wanpela brata long kaunim wanpela skripsa.
Brata bilong lukautim Stadi: Jon, inap yu kaunim Aisaia 54:13?
Jon: (Em i kaunim Aisaia 54:13.)
(Liklik kongrigesen i lusim pletfom tasol Jon na brata bilong lukautim Stadi Wastaua ol i stap yet long pletfom.)
Jon: (Em i toktok wantaim dispela brata) Nau mi save pinis long kaunim ol tok bilong Baibel na mi amamas tru, long wanem, long dispela rot Jehova i save skulim mi. Na mi laikim Wastaua tu, long wanem, Wastaua i bin helpim mi long kisim save long ol tok bilong Baibel.
Brata bilong lukautim Stadi: Em nau, pasin bilong yu long kaunim buk i wok long kamap gutpela nau. Yu bin wok strong tru. Mi tingim wanpela tok i stap long Rom 15:4. (Em i kaunim Rom 15:4.) Olsem na em i bikpela samting long yumi inap kaunim Baibel na Wastaua, long wanem, dispela i helpim yumi long stap strong, na ol dispela tok i mekim gut bel bilong yumi na bai yumi ken wetim gutpela samting i kamap bihain. Mi save yu amamas tru long yu bin wok strong na nau yu save long kaunim buk.
Jon: Em i stret brata. (Tupela i lusim pletfom.)
Brata: Olsem na wok bilong stretim pasin bilong yumi long kaunim gut buk na helpim ol narapela i no bin skul, em i bikpela samting, a? Na yumi olgeta i mas i gat Wastaua bilong yumi yet, em tu i bikpela samting.
Singsing 132 (olpela 70) na beten.
Wik i Kirap long Novemba 4
Singsing 56 (olpela 33)
(10 min) Ol toksave bilong kongrigesen.
(20 min) “Baibel New World Translation i Helpim Ol Man i Laik Painim Kingdom.” Wanpela brata i ken mekim dispela tok na kamapim sampela askim. Mekim liklik soim long olsem wanem ol brata sista i ken mekim gutpela wok long Stori Bilong Mun.
(15 min) Yu Save Bihainim Tok? Brata i mekim dispela tok em i ken lukim Wastaua bilong Epril 1, 1991, long pes 28 na 29, na stori long ol tok bilong en.
Singsing 46 (olpela 20) na beten.
Wik i Kirap long Novemba 11
Singsing 72 (olpela 63)
(10 min) Ol toksave bilong kongrigesen. Ripot bilong ol akaun.
(17 min) “Givim Bel Long Wok Autim Tok—Namba 2 Hap.” Paslain long miting, makim wanpela brata i save gut long kaunim tok na bai em i ken kaunim ol paragraf. Kaunim pinis paragraf, orait kamapim askim bilong en. Sapos yu inap, gutpela sapos yu traim mekim wok long buk Reasoning, maski em i stap long tok Inglis.
(18 min) Stretim Rot Nau Bilong Kam Long ‘Ol Man Bilong Laikim Pasin Bilong i Stap Fri’ Kibung Distrik Bilong 1991/92.” Wanpela brata i ken mekim dispela tok na kamapim sampela askim. Kirapim ol brata sista long kam long kibung long olgeta de na harim olgeta tok bilong kibung. Kirapim ol long stretim rot nau bilong i go long kibung na bai dispela kibung inap helpim ol tru; em i wanpela gutpela samting Jehova i givim long yumi long rot bilong oganaisesen bilong em.
Singsing 28 (olpela 5) na beten.
Wik i Kirap long Novemba 18
Singsing 191 (olpela 103)
(10 min) Ol toksave bilong kongrigesen.
(20 min) “Buk-Stadi Bilong Kongrigesen—Namba 2 Hap.” Paslain long miting makim wanpela brata i save gut long kaunim tok, na em i ken redi long kaunim ol paragraf.
(15 min) “ ‘Ol Man Bilong Laikim Pasin Bilong i Stap Fri’ Kibung Distrik Bilong 1991/92.” Wanpela brata i ken mekim dispela tok na kamapim sampela askim. Kirapim ol brata sista long stretim ol samting bambai ol i ken i go long kibung, na bihainim gut ol lo bilong kibung em oganaisesen bilong Jehova i kamapim.
Singsing 25 (olpela 9) na beten.
Wik i Kirap long Novemba 25
Singsing 174 (olpela 7)
(10 min) Ol toksave bilong kongrigesen. Ripot bilong ol akaun.
(20 min) “Autim Gutpela Tok—Long Teritori Yumi Autim Tok Long En Planti Taim.” Brata bilong lukautim dispela hap i ken kamapim sampela tok bilong helpim kongrigesen. Paslain long miting makim wanpela brata i save gut long kaunim tok na bai em i ken kaunim ol paragraf.
(15 min) Sampela Tok Bilong Helpim Kongrigesen. Wanpela brata i ken mekim wanpela tok bilong helpim kongrigesen. Em i ken kisim dispela tok long Kirap! bilong Jun 8, 1991, long blok i stap long pes 8, “Sampela Askim Bilong Ol Yangpela—Ol Gutpela Bekim.”
Singsing 16 (olpela 81) na beten.