Ol Miting Bilong Wok Bilong Ogas
Wik i Kirap long Ogas 3
Singsing 65
10 min: Ol toksave bilong kongrigesen.
20 min: “Kirapim Ol Long Mekim Ol Wok Bilong God.” Paslain long miting, makim wanpela brata i save gut long kaunim tok na em i ken redi long kaunim ol paragraf. Kaunim pinis paragraf, orait kamapim askim bilong en. Kamapim tu ol skripsa. Taim yu kamapim pinis ol tok bilong paragraf 6, toktok wantaim wanpela pablisa i stap olsem gutpela piksa, long wanem, taim em i yangpela yet sampela i bin kirapim em long putim sampela wok bilong God olsem mak em i laik winim na em i bin wok strong long winim. Olsem wanem ol narapela i bin helpim em olsem? Sapos kongrigesen i kisim pinis buk Askim Bilong Ol Yangpela—Ol Gutpela Bekim, orait taim yu kamapim tok bilong paragraf 7, stori long ol gutpela samting bai kamap sapos ol papamama na ol yangpela i lukim sapta 22, 38, 39 bilong dispela buk.
15 min: “Tok Bilong Pastaim Inap Kirapim Man Long Putim Gut Yau.” Wanpela brata i ken toktok wantaim kongrigesen long ol dispela tok. Olsem wanem? Ol i traim pinis sampela tok ol i ken mekim bilong kirapim tok wantaim man bilong haus olsem Wok Kingdom i bin kamapim na i stap long buk Reasoning? Wanem kain tok i bin helpim gut ol man long teritori bilong ol? Wanem taim ol pablisa i save redim na traim sampela tok bilong kirap long toktok wantaim man? Mekim liklik soim long wanpela o tupela tok olsem.
Singsing 32 na beten.
Wik i Kirap long Ogas 10
Singsing 35
5 min: Ol toksave bilong kongrigesen.
20 min: “Helpim Ol Narapela Man Long Rot Bilong Buk-Stadi.” Askim na bekim. Redim gut soim bilong dispela hap. Makim wanpela elda i save mekim gutpela wok long lukautim Buk-Stadi, na em i ken lukautim dispela hap.
20 min: “Autim Gutpela Tok—Long Olgeta Kain Man.” Kamapim sampela askim long ol dispela tok. Kaunim sampela paragraf na sampela skripsa i gat taim bilong kaunim.
Singsing 152 na beten.
Wik i Kirap long Ogas 17
Singsing 207
10 min: Ol toksave bilong kongrigesen. Ripot bilong ol akaun.
20 min: “Yu Save Stap Gut Long Husat?” Brata i lukautim dispela hap em i ken kamapim sampela askim o mekim olsem wanpela tok. Tokim ol brata em i bikpela samting long ol i mas was gut long sampela pasin bilong ples na long pasin bilong tingim tumas lain bilong ol, em inap pasim ol long kamap strong long ol samting bilong spirit.
15 min: Mi Kamap Strong Long Tok i Tru. Makim sampela brata sista na singautim ol i kam antap long pletfom na toktok wantaim ol. Givim ol askim long ol olsem:
1. Wanem taim yu bin kisim save long tok i tru? Yu stap we na yu harim?
2. Bilong wanem yu kirap bihainim tok i tru? Sampela i birua long yu? Olsem wanem yu bin winim dispela hevi i painim yu?
3. Yu bin mekim wanem ol wok na yu wok long kamap strong long tok i tru?
4. Wanem taim yu save redim ol tok bilong ol miting?
5. Yu gat sampela Baibel-stadi? Olsem wanem yu bin kirapim ol dispela Baibel-stadi? Ol i kamap strong, o . . . ? Kamapim sampela narapela askim i stret long ol dispela brata sista.
Singsing 100 na beten.
Wik i Kirap long Ogas 24
Singsing 173
10 min: Ol toksave bilong kongrigesen. Ripot bilong kongrigesen bilong Julai. Mekim sampela tok amamas long ol gutpela wok ol pablisa i bin mekim na stori long sampela wok ol i mas wok strong long mekim gutpela moa.
20 min: “Mekim Wok Painia—Dispela i Makim Olsem Yu Laikim Tru God na Ol Narapela.” Paslain long miting, makim wanpela brata i save gut long kaunim tok na em i ken redi long kaunim ol paragraf. Kaunim pinis paragraf, orait kamapim askim bilong en. Taim brata i stori pinis long paragraf 3 na 4, toktok wantaim 3-pela painia oltaim (o 3-pela pablisa, em olgeta mun ol i save mekim wok painia haptaim o long wan wan mun ol i mekim). Gutpela sapos wanpela bilong ol dispela painia i bin kirap long mekim wok painia long taim em i pinis long skul. Givim ol dispela askim long ol: Ol i bin mekim wanem bilong stretim rot bambai ol inap mekim wok painia? Wanem samting i kirapim ol long mekim olsem? Ol i lusim wanem ol samting bilong skin bambai ol inap mekim dispela wok? Taim ol i mekim wok painia ol i kisim wanem ol blesing?
15 min: “Yiabuk Bilong 1992 i Kamapim Ripot Bilong Papua Niugini na Ostrelia.” Makim wanpela brata i save gut long kaunim tok na em i ken givim bel long kaunim ol paragraf, em ol i kisim long pes 62 bilong Yiabuk bilong 1992 (tok Inglis). Kaunim pinis, orait, brata bilong lukautim dispela hap i ken stori long ol dispela tok na kamapim sampela askim.
Singsing 200 na beten.