Ol Miting Bilong Wok Bilong Disemba
Wik i Kirap long Novemba 30
Singsing 205
10 min: Ol toksave bilong kongrigesen. Toktok wantaim ol brata sista long sampela tok bilong ol nupela magasin ol i ken kamapim. Kirapim olgeta long autim tok long dispela Sarere Sande.
20 min: “Tilim Buk Nambawan Man Tru i Winim Olgeta Narapela Man.” Paslain long miting, makim wanpela brata i save gut long kaunim tok na em i ken redi long kaunim ol paragraf. Kaunim pinis paragraf, orait kamapim askim bilong en. Bihain long paragraf 4, mekim liklik soim long pasin bilong tilim nupela buk. Kirapim ol brata sista long kaunim dispela nupela buk na lainim ol tok bilong en.
15 min: I Gat Wanem As na Ol Witnes Bilong Jehova i No Save Mekim Krismas? Sapos inap, orait wanpela elda i ken stori long ol dispela tok hia na lukautim dispela soim.
Long mun Disemba planti manmeri i save tingim ol samting ol bai mekim bilong tingim taim bilong Krismas. Bilong makim olsem skul i pinis long dispela yia, planti skul i tingting long mekim ol singsing na pilai bilong ol stori na kain samting olsem. Planti pikinini i save askim papamama bilong ol, ol inap insait long sampela bilong ol dispela pilai samting i save kamap long skul o nogat.
SOIM: Pikinini i kamapim askim long papamama olsem: “Tisa i tokim mi em i laik bai mi insait long wanpela pilai bilong Krismas. Pilai hia i kamapim stori bilong Josep, na Maria, na Jisas. Tisa i laik makim mi olsem Josep (Maria). I orait long mi mekim dispela samting?”
Papa o mama i bekim tok long pikinini long rot bilong ol tok i stap long pes 18 na 19 bilong buklet Skul na Ol Witnes Bilong Jehova.
Singsing 105 na beten.
Wik i Kirap long Disemba 7
Singsing 34
10 min: Ol toksave bilong kongrigesen.
20 min: “Autim Gutpela Tok—Mekim Wok Long Buk Nambawan Man Tru i Winim Olgeta Narapela Man.” Brata i lukautim dispela hap i ken kamapim sampela askim. Mekim tupela soim. Long namba wan soim, kolim ol tok olsem i stap long paragraf 3. Mekim namba 2 soim long pasin bilong mekim wok long nupela buk bilong kirapim Baibel-stadi.
15 min: Askim. Wanpela elda i ken mekim dispela tok na kamapim sampela askim.
Singsing 65 na beten.
Wik i Kirap long Disemba 14
Singsing 105
10 min: Ol toksave bilong kongrigesen. Ripot bilong ol akaun.
20 min: “Bai Yu Autim Tok Long Kain Kain Taim na Ples Long Mun Disemba na Janueri?” Wanpela brata i ken toktok wantaim kongrigesen long ol dispela tok na mekim sampela liklik soim bilong pasin bilong autim tok long kain kain taim na ples. Stori gut olsem olgeta taim yumi stap Witnes Bilong Jehova, olsem na gutpela sapos yumi wok long painim kain kain rot bilong autim tok. Em i ken singautim tupela brata o sista, em i bin makim ol paslain long miting, na ol i ken stori liklik long ol gutpela samting i bin kamap taim ol i autim tok long kain kain taim na ples. O sapos ol i bin harim tok i tru taim ol brata i bin autim tok long kain kain taim na ples, orait, ol i ken stori long dispela samting.
15 min: “Sampela Samting Yumi Mas Tingim Bilong ‘Ol Man i Stap Olsem Lait’ Kibung Distrik.” Wanpela brata i ken toktok wantaim kongrigesen long ol dispela tok. Kirapim olgeta brata sista long redi nau bilong i go long kibung distrik.
Singsing 100 na beten.
Wik i Kirap long Disemba 21
Singsing 92
10 min: Ol toksave bilong kongrigesen. Ripot bilong kongrigesen bilong Novemba.
15 min: “Mekim Gutpela Wok Long Ol Magasin.” Ol askim na bekim. Taim brata i kamapim tok bilong paragraf 6, stori long sampela pasin ol pablisa inap mekim bilong kirapim man long kisim nupela Wastaua o Kirap! long olgeta taim. Olsem: Tok klia long ol na no ken mekim planti tok; raitim gut ol samting long notbuk; kolim sampela stori em magasin bilong bihain bai kamapim na bai man i gat bikpela laik long kisim; kamapim sampela askim em bekim bilong en i stap long magasin; kisim nupela magasin i go long man long olgeta tupela tupela wik.
20 min: Mekim Buk-Stadi Long Buk Nambawan Man Tru. Brata i lukautim Buk-Stadi i ken makim 4-pela o 5-pela pablisa long mekim soim long pasin bilong mekim Buk-Stadi. Redim gut dispela soim na bihainim ol tok em Wok Kingdom bilong Oktoba i kamapim. Mekim wok long sapta 11 bilong buk Nambawan Man Tru. Mekim soim olsem sapos sampela skripsa i longpela liklik, brukim na bai ol narapela narapela pablisa i ken kaunim. Sapos i no gat taim bilong kaunim olgeta hap, orait, kamapim ol bikpela tok tasol bilong en. Taim ol i mekim dispela soim, brata i lukautim Buk-Stadi i ken katim tok bilong ol na kamapim sampela liklik tok na bai kongrigesen inap save ol pablisa i mekim wanem pasin bilong kamapim ol skripsa. Gutpela sapos olgeta wan wan long kongrigesen i opim buk bilong ol yet na lukim ol dispela tok.
Singsing 63 na beten.