Ol Toksave

◼ Mipela laik kirapim ol kuskus long givim kat “Medical Directive” (“No Blood”) long ol nupela pablisa i kisim baptais insait long dispela yia yet. Na tu, gutpela sapos ol i helpim pablisa long raitim stret ol tok long dispela kat, na pablisa i mas sainim nem bilong em na tupela narapela man i mas lukim em i mekim, na nau tupela i ken sainim nem bilong ol. Sapos kat bilong pablisa i baptais pinis i lus o i bagarap, orait, em i ken kisim nupela kat long kuskus, na em i ken kisim insait long dispela yia yet.

◼ Sampela volyum bilong Wastaua (tok Inglis) bilong yia 1966 i go inap 1991, na sampela volyum bilong Kirap! (tok Inglis) bilong yia 1983 i go inap 1991, i stap long brens. Gutpela sapos yu lukim gut laibreri bilong kongrigesen na bilong yu yet​—⁠ol dispela volyum i stap o nogat, na sapos nogat, orait yu ken putim oda long kongrigesen. Taim ol dispela volyum i pinis long brens, ating bai mipela i no inap kisim sampela moa.

◼ Samting bilong tilim long Februeri: Buk Stap Oltaim, long K3.00.

◼ Samting bilong tilim long Mas: Buk Sampela Askim Bilong Ol Yangpela, long K2.00.

◼ Samting bilong tilim long Epril: Sabskripsen bilong Wastaua, long K6.00. Sapos man i no kisim sabskripsen, orait tilim tupela magasin na wanpela buklet long 80 toea. (No ken tilim buklet Skul.)

◼ WOK PAINIA HAPTAIM: Mun Epril em i gutpela mun bilong yumi olgeta i traim long mekim wok painia haptaim. Bilong wanem? Long wanem, long mun Epril i gat 4-pela Sarere Sande na tupela de malolo. Na Memorial bai kamap long Tunde, Epril 6! Stretim rot nau bilong mekim wok painia haptaim long mun Epril. Toktok wantaim famili bilong yu long dispela samting. Stretim tok wantaim ol narapela brata sista, em ol tu i gat laik long mekim wok painia haptaim, na bai yu inap poromanim ol.

◼ Mun Epril em taim bilong mekim wok painia haptaim! Bai yu poromanim husat? Narapela brata o sista? o meri bilong yu na ol pikinini bilong yu i baptais pinis?