Askim
◼ Dispela namba 666 em Kamapim Tok Hait 13:18 i stori long en, i makim wanem samting?
1 Dispela namba 666 em nem o namba bilong dispela wel animal i kamap long solwara, em Kamapim Tok Hait 13:1 i stori long en.
2 Dispela “wel animal” i makim olgeta wok gavman em Satan i bin mekim wok long en bilong bosim ol manmeri inap planti tausen yia. Namba 666 em i “namba bilong wanpela man” bilong graun. Olsem na dispela namba i makim olsem ol dispela gavman em samting bilong graun tasol na ol man yet i kamapim.
3 Long Baibel, namba 6 i makim ol birua bilong God. Olsem: 1 Stori 20:6 i stori long wanpela birua bilong lain bilong God, em i gat 6-pela 6-pela pinga long ol wan wan han lek bilong em. Na King Nebukatnesar i wokim wanpela piksa gol, na longpela bilong en em 60 kubit (27 mita) na bikpela bilong en em 6 kubit (3 mita). Ol wokman bilong God i no laik lotu long dispela piksa na king i tromoi ol i go long paia.—Dan 3:1-23.
4 Long Baibel, namba 7 i makim samting em inap pinis. Inap planti taim buk Kamapim Tok Hait long Baibel i kolim namba 7 bilong makim ol samting bilong God na kongrigesen bilong em, na tu, dispela namba i makim ol samting bilong Birua bilong God, em Satan.—KTH 1:4, 12, 16; 5:1, 6; 8:2.
5 Olsem yumi tok pinis, namba 7 i makim samting em inap pinis, tasol namba 6 i sot long namba 7, olsem na namba 6 i makim samting i sot. Orait namba 666 i makim ol wok gavman na wok politik bilong ol man i sot long mak em God i laikim, olsem samting i gutpela olgeta.
This article is unique to PNG.