Ol Miting Bilong Wok Bilong Me
Wik i Kirap long Me 3
Singsing 114
10 min: Ol toksave bilong kongrigesen.
20 min: “Redi Long Senisim Toktok Taim Yu Autim Tok.” Wanpela tok na sampela askim na bekim. Mekim tupela sotpela soim taim yu kamapim paragraf 3-5. Taim yupela i mekim dispela soim, wanpela pablisa i gat bikpela krismas i ken wok wantaim yangpela pablisa taim ol i autim tok long ol haus. Tokim ol yumi ken amamas long wok autim tok maski ol man i harim o nogat.
10 min: Askim. Sapos inap wanpela elda i ken mekim dispela tok.
5 min: Sampela Tok Bilong Helpim Kongrigesen. Wanpela elda i toktok long wanpela samting bilong helpim kongrigesen. Em i ken mekim wanpela tok bilong soim kongrigesen long ol samting kongrigesen i mas mekim bilong bihainim gut ol samting wasman sekit i bin toktok long en long taim em i bin kam lukim kongrigesen.
Singsing 127 na beten.
Wik i Kirap long Me 10
Singsing 128
10 min: Ol toksave bilong kongrigesen.
20 min: “Yu Inap Mekim Sampela Wok Moa Bilong Givim Biknem Long Jehova?” (Namba Wan Hap) Paslain long miting, makim wanpela brata i save gut long kaunim tok na em i ken redi long kaunim ol paragraf. Kaunim pinis paragraf, orait kamapim askim bilong en.
15 min: Mekim Wok Long Wastaua Long Teritori. Wanpela elda i ken lukautim dispela hap. Em i ken soim ol brata sista, taim yumi mekim wok long Wastaua long mun Me yumi mas redim sampela bikpela tok bilong en na kamapim ol taim yumi autim tok long teritori bilong yumi. Stori long olsem wanem yumi ken tilim sabskripsen bilong Wastaua na raitim stret ol tok long pepa bilong kisim sabskripsen.
Singsing 88 na beten.
Wik i Kirap long Me 17
Singsing 72
10 min: Ol toksave bilong kongrigesen. Ripot bilong ol akaun.
20 min: “Yu Inap Mekim Sampela Wok Moa Bilong Givim Biknem Long Jehova?” (Namba 2 Hap) Paslain long miting, makim wanpela brata i save gut long kaunim tok na em i ken redi long kaunim ol paragraf. Kaunim pinis paragraf, orait kamapim askim bilong en.
15 min: Taim Yumi Go Long Nupela Hap Bilong Mekim Wok Bilong Jehova Yumi Givim Biknem Long Em. Toktok wantaim sampela ol i bin i go long nupela hap bilong mekim sampela wok moa bilong givim biknem long Jehova. Sampela pablisa o painia salim o misineri i bin mekim olsem, ol i ken stori long dispela samting bilong strongim kongrigesen.
Singsing 32 na beten.
Wik i Kirap long Me 24
Singsing 66
10 min: Ol toksave bilong kongrigesen. Stori long ripot bilong wok autim tok bilong kongrigesen bilong mun Epril. Mekim gutpela tok bilong amamas long ol gutpela samting bilong ripot, tasol givim tu sampela tingting long kongrigesen bilong helpim wok i kamap gutpela moa.
20 min: Lukautim Ol Lapun. Tupela brata i toktok wantaim na givim sampela askim long wanpela o tupela lapun i olsem gutpela piksa. Stori gut long olsem wanem famili o kongrigesen i bin helpim ol.
Long Sande long moningtaim long “Ol Man i Stap Olsem Lait” Kibung Distrik ol i kamapim wanpela tok i gat 3-pela hap, nem bilong en “Insait Long Famili Kristen Narapela Mas Lukautim Narapela.” Laspela tok bilong en—“Lukautim Ol Lapun”—i kamapim klia ol gutpela wok ol lapun inap mekim insait long famili na kongrigesen. (Snd 16:31) Olsem wanem yumi inap helpim ol lapun? Em wok bilong ol famili yet long helpim ol. (1 Ti 5:3, 4, 8, 16) Yumi mas isi long ol na sori long ol. Ol pikinini i bikpela pinis na ol tumbuna pikinini ol i ken kamapim amamas bilong ol long pasin sori na hatwok papamama na bubu i bin mekim long ol. (w87 12/1 pes 15-20) Kongrigesen tu i ken helpim ol lapun. Singautim ol i kam kaikai wantaim yumi o long taim yumi gat pati. (Ro 12:13) Helpim ol long taim bilong autim tok. Tokim ol long kam wantaim yumi long ka long i go long Haus Kingdom o long kibung. Helpim ol long baim ol samting long stua na karim i go long haus bilong ol. (w87 12/1 pes 4-7) Olgeta taim mas givim biknem long ol lapun.—1 Ti 5: 1, 2.
15 min: Lukim Samting Jehova i Bin Mekim Bilong Helpim Yumi! Wanpela brata i ken toktok wantaim kongrigesen long stori i stap long pes 23-26 long Wastaua bilong Novemba 1, 1992.
Singsing 172 na beten.