Ol Miting Bilong Wok Bilong Julai

Wik i Kirap long Julai 5

Singsing 162

10 min: Ol toksave bilong kongrigesen.

20 min: “Autim Gutpela Tok—Long Rot Bilong Ol Buklet.” Stori liklik long paragraf 1 na 2 na mekim tupela soim long pasin bilong tilim ol buklet. Redim gut ol soim. Mekim wanpela soim long pasin bilong tilim buklet Stap Amamas na wanpela soim long pasin bilong tilim buklet Gavman. Kirapim ol yangpela pablisa long lainim pasin bilong tilim buklet olsem mipela raitim long paragraf 4. Kirapim ol pablisa long redi gut na bai ol inap mekim gut wok autim tok​—⁠long dispela mun na ating long narapela mun bihain, planti bilong yumi bai autim tok long longwe teritori. Tokim ol brata sista, ol inap mekim wok long ol buklet bilong kirapim Baibel-stadi wantaim man.

15 min: “Autim Tok Long Ol Haus.” Ol askim na bekim. Kaunim ol skripsa na kamapim ol bikpela tok bilong en.

Singsing 205 na beten.

Wik i Kirap long Julai 12

Singsing 196

10 min: Ol toksave bilong kongrigesen. Stori long sampela tok bilong ol nupela magasin ol brata sista i ken kamapim taim ol i autim tok long dispela wik.

20 min: “Ol Yangpela​—⁠Bosim Gut Wokabaut Bilong Yupela.” Ol askim na bekim. Taim yu kamapim pinis ol tok bilong paragraf 3, mekim sotpela soim olsem: Wanpela yangpela pablisa i ken askim pablisa i gat bikpela krismas liklik long wok wantaim em long autim tok. Pablisa i gat bikpela krismas liklik i ken tokim em, em bai amamas long go wantaim em, tasol paslain long tupela i wok wantaim, gutpela sapos ol i tingim gen ol tok ol i laik mekim.

15 min: “Mekim Gut Wok Bilong Helpim Man Long Kisim Laip Oltaim.” Mekim sotpela tok na nau mekim 3-pela soim long ol tok i stap long paragraf 2-5. Taim yu laik pinisim tok, kirapim ol brata sista long mekim bikpela wok autim tok long dispela Sarere Sande.

Singsing 126 na beten.

Wik i Kirap long Julai 19

Singsing 31

10 min: Ol toksave bilong kongrigesen. Ripot bilong ol akaun. Kamapim ol bikpela samting bilong ripot bilong Jun. Sapos long dispela mun kongrigesen i bin autim tok long longwe teritori, orait stori liklik long ol gutpela samting i bin kamap. Tok tenkyu long kongrigesen long ol kontribusen ol i bin givim long dispela mun.

20 min: “Amamas Long Go Bek Lukim Man i Laik Harim Tok na Helpim Em.” Ol askim na bekim. Mekim tupela soim long ol tok bilong paragraf 3-6. Sapos yu laik, yu ken senisim liklik ol tok bilong soim na bai ol soim i ken stret long man i stap long teritori yu autim tok long en.

15 min: “Tilim Planti Magasin na Kisim Amamas.” Paslain long miting makim sampela brata sista i save gut long kaunim tok na ol i ken redi long kaunim ol paragraf. Kaunim pinis paragraf, orait kamapim askim bilong en.

Singsing 79 na beten.

Wik i Kirap long Julai 26

Singsing 130

10 min: Ol toksave bilong kongrigesen. Toktok wantaim ol brata sista long sampela tok bilong ol nupela magasin ol i ken kamapim taim ol i autim tok long ol haus o long taim ol i autim tok long kain kain taim na ples.

20 min: “Autim Gutpela Tok—Long Buk Stap Oltaim.” Ol askim na bekim. Mekim sotpela soim olsem i stap long paragraf 4. Kirapim olgeta brata sista long tilim buk Stap Oltaim long mun Ogas na Septemba.

15 min: Stretim Rot Bilong Kam Long Kibung Distrik. Kuskus bilong kongrigesen i ken mekim dispela tok. Kirapim ol brata long stretim rot bilong i kam long kibung distrik. Sapos kongrigesen bilong yu i stap long ples em kibung distrik bai kamap long en, orait, yu ken senisim liklik ol tok hia na bai i stret long ol brata sista.

Singsing 214 na beten.