Ol Miting Bilong Wok Bilong Ogas
Wik i Kirap long Ogas 2
Singsing 133
10 min: Ol toksave bilong kongrigesen.
20 min: “Autim Gutpela Tok—Mekim Wok Long Buk Stap Oltaim.” Kaunim pinis paragraf, orait kamapim askim bilong en. Mekim tupela sotpela soim, olsem i stap long paragraf 2 na 3, long pasin bilong tilim buk Stap Oltaim taim yumi autim tok long ol haus.
15 min: “Olsem Wanem? Yu Inap Mekim?” Ol askim na bekim. Singautim wanpela o tupela painia oltaim, o wanpela o tupela pablisa em sampela taim ol i mekim wok painia haptaim. Tokim ol long stori long wanem samting i bin kirapim ol long mekim sampela wok moa na olsem wanem ol i bin stretim rot bilong mekim olsem.
Singsing 30 na beten.
Wik i Kirap long Ogas 9
Singsing 25
10 min: Ol toksave bilong kongrigesen. Ripot bilong ol akaun. Sapos kongrigesen i bin salim sampela kontribusen i go long Sosaiti na Sosaiti i bin tok tenkyu long dispela, orait kamapim dispela tok tenkyu long kongrigesen. Toksave long ol bung bilong i go autim tok, na toktok wantaim ol brata sista long sampela tok bilong ol magasin ol i ken kamapim.
20 min: “Mekim Gutpela Wok Long Wastaua na Kirap!” Ol askim na bekim. Helpim ol brata sista long save, long olgeta de yumi gat planti rot bilong tilim ol magasin—ol nupela magasin na ol olpela tu.
15 min: Stap Klin Long Tingting na Long Skin. Wanpela elda i ken lukim ol tok i stap long pes 16-22 bilong Wastaua bilong Disemba 1, 1989, na stori long pasin bilong i stap klin long skin. Em i mas mekim tok long pasin isi na tingim gut ol tok em i laik mekim—nogut tok i sutim bel bilong ol man.
Singsing 191 na beten.
Wik i Kirap long Ogas 16
Singsing 136
10 min: Ol toksave bilong kongrigesen.
20 min: “Mekim Ol Gobek Bilong Kirapim Tingting Bilong Man Long Baibel.” Wanpela brata i save gut long kaunim tok em i ken kaunim paragraf 1, 2, 5, 6. Kaunim pinis paragraf, orait kamapim askim bilong en. Mekim liklik tok bilong kamapim tok bilong paragraf 3 na 4, na mekim tupela soim. Mekim wanpela soim long pasin bilong mekim gobek long man i laik harim tok, tasol em i no kisim buk samting. Na mekim wanpela soim long pasin bilong mekim gobek long man i gat planti wok na em i no gat taim long toktok, tasol em i bin kisim liklik nius Husat Tru i Bosim Dispela Graun? Tupela soim i mas kamapim klia ol samting pablisa i mekim bilong kirapim toktok na bilong kirapim tingting bilong man na bai em i amamas long harim tok.
15 min: “Mekim Wok Long Buk Reasoning Bilong Helpim Man Long Save Long Tok Bilong ‘Kruse.’ ” Lukim ol tok bilong “Kruse” i stap long pes 89 na 90 long buk Reasoning, olsem i stap daunbilo long paragraf 1-4, na mekim soim. Mekim soim olsem pablisa i go bek lukim man i bin kisim buklet “Harim!” Man bilong haus i opim buklet long pes 17, na em i laik save, bilong wanem ol i putim piksa bilong Jisas i hangamap long pos, i no long kruse?
Singsing 165 na beten.
Wik i Kirap long Ogas 23
Singsing 170
10 min: Ol toksave bilong kongrigesen. Wanpela elda i ken kamapim ripot bilong kongrigesen bilong mun Julai. Em i ken mekim sampela tok amamas long ol gutpela wok ol pablisa i bin mekim na strongim ol. Na toktok wantaim ol brata sista long tupela o 3-pela tok bilong ol magasin ol i ken kamapim taim ol i autim tok long dispela Sarere Sande. Na tu, askim ol brata sista, sampela i stretim rot pinis bilong kisim ol nupela magasin i go long man long olgeta taim?
20 min: “Mekim Wok Long Ol Buklet Bilong Painim Ol Man i Laik Harim Tok.” Ol askim na bekim. Paragraf 5 i stori long ol buklet olsem: Gutpela Yu Bilip Long God Triwan o Nogat?, Tru God i Save Tingim Yumi?, Wanpela Gavman Em Bai Kamapim Paradais. Toksave long kongrigesen long ol buklet ol inap kisim, na askim kongrigesen wanem ol buklet ol i ting i gutpela bilong tilim long teritori bilong ol. Tokim kongrigesen, sapos man bilong haus i no kisim buk Stap Oltaim, orait, ol i ken tilim wanpela buklet o magasin.
15 min: Sampela Tok Bilong Helpim Kongrigesen. Ol elda yet i ken redim sampela tok bilong helpim kongrigesen, o singautim 3-pela o 4-pela pablisa long stori long wanem samting i bin kirapim ol long lainim tok i tru. Redim gut ol ekspiriens na ol i mas kamapim klia olsem wanem wok autim tok i kamapim gutpela kaikai. Na tu, tokim ol brata ol i mas wokim stret ripot bilong autim tok na raitim olgeta samting ol i bin mekim long mun, olsem ol aua na gobek samting.
Singsing 192 na beten.
Wik i Kirap long Ogas 30
Singsing 30
10 min: Ol toksave bilong kongrigesen.
Long Miting Bilong Wok Autim Tok long wik antap, bai mipela i tilim kat Medical Directive long olgeta pablisa i baptais pinis. Na tu, bai mipela i tilim kat Identity Card long ol papamama, em bilong ol yangpela pikinini bilong ol i no baptais yet. Mipela i laik kirapim yupela olgeta long kam long dispela miting na bai yupela inap “bihainim ol dispela pasin.”—Ap 15:28, 29.
20 min: “Autim Gutpela Tok—Long Pasin Isi.” Ol askim na bekim.
15 min: “Mekim Wok Long Buk Stap Oltaim Long Taim Yu Mekim Ol Gobek.” Stori liklik long paragraf 1 na 2. Nau mekim wanpela soim long pasin bilong mekim gobek na kirapim Baibel-stadi olsem i stap long paragraf 3, o 4, o 5. Bilong pinisim tok, kamapim tok bilong paragraf 6 na 7.
Singsing 109 na beten.