Ol Toksave

◼ Toktok wantaim ol brata sista long sampela tok bilong ol nupela magasin ol i ken kamapim. Kirapim olgeta long autim tok long dispela Sarere Sande.

◼ Ol pablisa i gat tingting long mekim wok painia haptaim long mun Oktoba ol i mas putim kwik aplikesen bilong ol. Dispela bai helpim ol elda long stretim ol samting na bai kongrigesen i gat planti buk na buklet samting bilong tilim, na planti teritori tu. Olgeta brata sista i winim mak bilong mekim wok painia haptaim, mipela laik kirapim ol long mekim long mun Oktoba.

◼ Wasman siaman o brata em siaman i makim, i mas skelim ol akaun bilong kongrigesen long Septemba 1, o mekim kwiktaim bihain long en. Taim em i mekim pinis, orait toksave long kongrigesen. [Pepa Instructions for Congregation Accounting (S-AB-27), long tok Inglis tasol, i tokaut long pasin bilong skelim ol akaun bilong kongrigesen.]

◼ Sapos tupela o 3-pela kongrigesen i miting long wanpela Haus Kingdom na ol i laik senisim taim bilong miting bilong ol long olgeta yia, orait, gutpela sapos ol i mekim long Septemba 1. No ken mekim long ol narapela mun insait long yia.

◼ Mipela laik kirapim ol elda long bihainim ol tok i stap long pepa ol i kisim wantaim Wok Kingdom bilong Julai 1991 (Wastaua tok Inglis bilong Epril 15, 1991, pes 21-23). Em i stori long ol man i bin raus o ol i bin rausim ol yet, em ol elda i ting ol inap helpim ol na bai ol i gat laik long kam bek. Long namba wan miting bilong ol elda long olgeta yia bilong wok, ol elda i mas tingim olgeta wan wan rauspela man em ol i save ol i stap insait long teritori bilong kongrigesen. Ol i mas makim tupela elda (o wanpela elda na wanpela wokman bilong kongrigesen) bilong i go lukim olgeta wan wan, em ol elda i ting ol inap helpim ol.

◼ Long olgeta yia long Septemba, mipela i salim olgeta pepa bilong ol painia salim na misineri bilong mekim wok long en long yia bilong wok. Sapos ol i lukautim gut, bai ol i no ken singaut long sampela moa namel long yia.

◼ Ol Buk Yu No Inap Kisim Moa Long Papua Niugini:

Tok Inglis: Our Incoming World Government​—⁠God’s Kingdom; Good News​—⁠To Make You Happy; The Truth That Leads to Eternal Life; “Babylon the Great Has Fallen!” God’s Kingdom Rules; “Then Is Finished the Mystery of God.” (Ol dispela samting yumi no inap kisim moa, brata bilong lukautim ol buk samting i mas raitim long liklik buk bilong em, em buk Pe Bilong Ol Samting.)

◼ Samting bilong tilim long Septemba: Buk Stap Oltaim long K3.00.

◼ Samting bilong tilim long Oktoba: Sabskripsen bilong Wastaua long K6.00.

◼ Samting bilong tilim long Novemba: Baibel New World Translation wantaim buk Famili, o buk Yangpela, o buk Abrusim Bagarap, long K5.00.