Ol Miting Bilong Wok Bilong Septemba
Wik i Kirap long Septemba 6
Singsing 63
10 min: Ol toksave bilong kongrigesen.
20 min: “Mekim Ol Gobek Bilong Helpim Man Long Save, Olsem Wanem Em Inap i Stap Oltaim.” Kaunim pinis paragraf, orait kamapim askim bilong en, na mekim wanpela soim long pasin bilong mekim gobek olsem i stap long paragraf 5 na 6.
15 min: Kat Medical Directive. Kuskus bilong kongrigesen i ken lukautim dispela hap. Kuskus i ken makim sampela brata bilong tilim kat Medical Directive long ol brata sista ol i baptais pinis. No ken tilim long ol pablisa i no baptais yet. Na tu, tilim kat Identity long ol papamama Witnes, em bilong ol pikinini bilong ol i no baptais yet. Orait nau kuskus i ken kaunim na stori long ol tok i stap long pas bilong Ogas 1, 1992, em Asosiesen i salim i go long olgeta wan wan kongrigesen. Stori gut olsem taim pablisa i laik sainim nem bilong em, tupela narapela man i mas lukim pablisa i mekim, na taim em i sainim pinis, orait nau tupela i ken sainim nem bilong ol. Toktok gut wantaim kongrigesen na bai ol i ken save i gat wanem as na ol i mas bihainim stret pasin bilong raitim dispela tupela kat na bai kat i gat strong inap long lukautim ol. Long pinis bilong miting, gutpela sapos ol elda na ol narapela strongpela brata i redi long helpim ol pablisa long raitim kat bilong ol.
Singsing 193 na beten.
Wik i Kirap long Septemba 13
Singsing 70
10 min: Ol toksave bilong kongrigesen. Ripot bilong ol akaun. Sapos kongrigesen i bin salim sampela kontribusen i go long Sosaiti na Sosaiti i bin tok tenkyu long dispela, orait kamapim dispela tok tenkyu long kongrigesen. Tok tenkyu tu long kongrigesen long ol kontribusen ol i bin givim bilong helpim kongrigesen bilong ol yet na bilong helpim wok bilong Sosaiti long olgeta hap.
15 min: “Ol Samting Ol Nupela Man na Ol Witnes Bilong Longtaim i Mas Mekim.” Ol askim na bekim. Wanpela elda i ken lukautim dispela hap. Bilong pinisim dispela hap, em i ken kamapim gen liklik tok em inap helpim kongrigesen.
20 min: “Wok Strong Long Painim Ol Baibel-Stadi.” Ol askim na bekim. Wasman bilong wok autim tok i ken lukautim dispela hap. Kaunim ol skripsa na kamapim insait bilong en. Stori long olsem wanem wok bilong kongrigesen long mekim ol Baibel-stadi i bin kamap gutpela insait long 5-pela yia i go pinis. Bilong pinisim dispela hap, kamapim sampela tok bilong helpim kongrigesen.
Singsing 71 na beten.
Wik i Kirap long Septemba 20
Singsing 20
10 min: Ol toksave bilong kongrigesen.
20 min: “Wok Strong Long Mekim Wok Bilong Jehova.” Wanpela elda i ken mekim dispela tok. Taim yu kamapim paragraf 2, stori liklik long tok bilong Wastaua olsem paragraf i kolim. Taim yu laik pinisim tok, kaunim Malakai 3:10 na kamapim insait bilong en.
15 min: “Long Dispela Yia Bilong Wok Bai Yumi Mekim Wanem?” Ol askim na bekim. Wasman siaman i ken lukautim dispela hap. Tokim kongrigesen long ol wok ol i bin mekim long yia bilong wok bilong 1993, na kirapim olgeta long tingim sampela wok moa ol i ken mekim long yia bilong wok bilong 1994.
Singsing 6 na beten.
Wik i Kirap long Septemba 27
Singsing 148
10 min: Ol toksave bilong kongrigesen. Wanpela elda i ken toktok wantaim ol brata sista long tupela o 3-pela tok bilong ol nupela magasin ol i ken kamapim taim ol i autim tok long dispela Sarere Sande. Na stori gen long ol samting ol i mas mekim long stretim rot bilong kisim ol nupela magasin i go long man long olgeta taim. Long Papua Niugini dispela i gutpela rot bilong tilim ol magasin i kamapim tok bilong Kingdom, em ol tok bilong helpim man long save long rot bilong abrusim bagarap na i stap laip.
10 min: Sampela Stori long Wok BIlong Kingdom. Brata i ken mekim wok long mep o wokim mep long blakbot na bai ol brata sista inap save ol dispela kantri i stap we, na em i ken kamapim ol stori olsem:
Kambodia: Long Februeri 8, 1993, mipela i kisim wanpela pepa i tok gavman i orait long mipela i kamapim wanpela ofis bilong mekim wok bilong yumi, na dispela i opim rot long mipela i ken salim sampela misineri i go stap long dispela kantri. Inap olsem 25 yia ol brata sista i bin autim tok long pasin hait, tasol mipela i amamas long toksave olsem nau ol inap autim tok bilong Kingdom long ples klia.
Saiprus: Brens-ofis i tok, long mun Mas, em namba wan taim lain pablisa i go bikpela inap 1,462, na ol aua na gobek na Baibel-stadi i go antap tu.
Laibiria: Long mun Mas, ol brata i mekim “Ol Man i Stap Olsem Lait” Kibung Distrik long hap graun bilong Sosaiti klostu long brens-ofis. Inap 2,711 i bung na 78 i kisim baptais.
Japan: Long mun Mas, em namba wan taim lain pablisa i go bikpela inap 177,591.
Filipin: Long mun Mas, lain pablisa i go bikpela inap 115,044, winim olgeta mun bipo.
10 min: “Mekim Stadi Long Buk Stap Oltaim na Buk Wanbel.” Wanpela elda i ken mekim olsem wanpela tok.
15 min: “Taim Yumi Stadi Long Baibel, Yumi Mas Tingim Gut Ol Yia Ol Samting i Bin Kamap.” Wanpela elda i ken lukim ol tok bilong “Ol Yia Ol Samting i Bin Kamap” i stap long pes 93, 95-97 long buk Reasoning, olsem i stap daunbilo long paragraf 1-9. Pastaim em i ken stori liklik long ol tok bilong “Stori.” Nau em i ken toktok wantaim kongrigesen long ol tok “Bilong Wanem Ol Witnes Bilong Jehova i Tok, Kingdom Bilong God i Bin Kamap Long Yia 1914?” Kamapim klia olsem wanem dispela tok inap helpim ol nupela long redi, na bai ol inap bekim gut tok long ol man i gat askim long ol samting bilong Kingdom.
Singsing 43 na beten.