Ol Toksave

◼ Kibung long dispela yia em inap 4-pela de, olsem na lain elda i ken pasim tok olsem: Ol kongrigesen bai mekim Buk-Stadi long wik bilong kibung, o ol bai brukim stadi long tupela hap na skruim wanpela hap i go long stadi bilong wik paslain long kibung, na skruim wanpela hap i go long stadi bilong wik bihain long kibung.

◼ Ating kongrigesen i putim pinis oda bilong kisim ol samting bilong 1994, olsem: Skelim Sampela Tok Bilong Baibel Long Olgeta De​—⁠1994; yiabuk bilong ol Witnes Bilong Jehova bilong 1994 (tok Inglis); kalenda bilong ol Witnes Bilong Jehova bilong 1994 (tok Inglis); ol volyum bilong Wastaua na Kirap! bilong 1993 (tok Inglis na tok Pisin). Plis putim dispela oda long grinpela pepa Annual Items. Sapos bihain kongrigesen i laik oda long sampela moa, raitim dispela oda long pepa Literature Order (S-AB-14).

◼ Long taim bilong “God i Skulim Yumi” Kibung Distrik, bai ol i stori long hap bilong Wastaua em kongrigesen i mas stadi long en long dispela wik. Long dispela rot ol brata i no ken lus long sampela gutpela kaikai bilong spirit i stap long dispela hap bilong Wastaua. Gutpela sapos olgeta i kisim Wastaua bilong ol i kam long kibung, na ol i ken lukim taim brata i stori long dispela hap.

◼ NUPELA TEKS BILONG YIA 1994: Gutpela sapos olgeta kongrigesen i pasim dispela teks insait long Haus Kingdom bilong ol taim Janueri 1 i kirap. Wasman siaman i mas lukautim wok bilong mekim dispela samting. Ating ol liklik kongrigesen na grup i ken raitim teks bilong yia long wanpela blakbot. Ol i mas raitim klia na raitim gut. Sapos ol i mekim wok long blakbot, orait, long olgeta yia bihain ol i ken mekim wok long dispela blakbot na bai ol i no ken tromoi bikpela mani na taim na strong long wokim teks.

◼ Ol painia oltaim, na painia salim, na misineri i bin winim 6-pela mun long wok painia, ol i ken kisim nating wanpela liklik buk Skelim Sampela Tok Bilong Baibel Long Olgeta De​—⁠1994. Ol i ken kisim long tok Inglis, o tok Motu, o tok Pisin. (Ol i ken kisim long wanpela tok ples tasol, no gat pe.) Sapos ol inap kaunim tok Inglis, ol i ken kisim nating wanpela yiabuk. Putim oda bilong ol dispela samting long rot bilong kongrigesen. Long pepa Remittance and Credit Request (A-AB-20), brata i lukautim ol akaun i mas raitim hamas buk ol painia i kisim nating.

◼ Olsem wanem? Yupela ol yangpela long kongrigesen i baptais pinis, yupela inap mekim wok painia haptaim long mun Disemba o Janueri? Sapos yu wanpela pablisa, tasol yu no baptais yet, yu bin tingting long olsem wanem yu inap mekim bikpela wok moa long autim tok long ol dispela mun yu gat malolo long en? Sapos yu laik bai narapela i ken givim sampela gutpela tingting long yu long ol samting yu ken mekim, gutpela sapos yu toktok wantaim brata i lukautim Buk-Stadi bilong yu.

◼ Samting bilong tilim long Disemba: Buk Nambawan Man Tru, long K3.00. Janueri: Buk Nau Tasol o buk Bel Isi, long 25 toea. Februeri: Buk Stap Oltaim, long K3.00.