Ol Miting Bilong Wok Bilong Disemba
Wik i Kirap long Disemba 6
Singsing 205
10 min: Ol toksave bilong kongrigesen. Kirapim ol brata sista long mekim wok magasin long Sarere, long rot na long ol haus.
20 min: “Autim Gutpela Tok—Long Taim Bilong Krismas Samting.” Ol askim na bekim. Toksave long ol bung bilong i go autim tok long taim bilong Krismas samting.
15 min: Makim Taim Bilong Tilim Ol Magasin.” Mekim olsem wanpela tok na kamapim sampela askim. Taim yu kamapim tok bilong paragraf 3, stori long pasin ol brata sista i ken mekim bilong kamapim kain kain stori long ol nupela magasin long kain kain man ol i bungim long teritori bilong ol.
Singsing 169 na beten.
Wik i Kirap long Disemba 13
Singsing 146
10 min: Ol toksave bilong kongrigesen. Ripot bilong ol akaun. Sapos kongrigesen i bin salim sampela kontribusen i go long Sosaiti na Sosaiti i bin tok tenkyu long dispela, orait kamapim dispela tok tenkyu long kongrigesen. Tok tenkyu long kongrigesen long ol kontribusen ol i bin givim bilong helpim kongrigesen bilong ol yet, na bilong helpim wok Sosaiti i mekim long olgeta hap na bilong wokim ol Haus Kingdom. Stori long wanpela o tupela tok ol brata sista i ken mekim wok long en bilong kirapim tok long taim ol i autim tok long dispela Sarere Sande.
20 min: “Mekim Wok Painia na Tingting Long Mekim Oltaim.” Ol askim na bekim.
15 min: “Kirapim Nupela Baibel-Stadi Long Mun Disemba.” Ol askim na bekim. Kaunim paragraf pinis, orait kamapim askim bilong en. Kirapim olgeta brata sista long mekim wanpela Baibel-stadi long olgeta mun, sapos ol inap.
Singsing 165 na beten.
Wik i Kirap long Disemba 20
Singsing 189.
10 min: Ol toksave bilong kongrigesen. Sapos kongrigesen bilong yu i no gat kibung distrik long Disemba 25, orait, toksave long ol bung bilong i go autim tok long Disemba 25.
20 min: “Putim Tok i Go Daun Long Bel Bilong Baibel-Stadi Bilong Yu.” Ol askim na bekim na mekim wanpela soim. Stori gut olsem, olgeta long kongrigesen i mas wok long kamap gutpela tisa. Taim yu kamapim pinis tok bilong paragraf 3, wanpela pablisa i ken mekim soim long pasin bilong toktok gut wantaim wanpela Baibel-stadi. Em i ken mekim wok long ol askim na skripsa i stap long paragraf 13 na 14 long sapta wan bilong buk Stap Oltaim.
15 min: “Yiabuk—Em Gutpela Samting Tru Bilong Strongim Yumi.” Kamapim gut ol tok bambai ol brata sista i amamas long harim, na kamapim klia olsem wanem ol skripsa inap helpim ol. Singautim tupela pablisa long kamapim ekspiriens olsem i stap long paragraf 3, na ol ekspiriens i stap long pes 32 bilong Wastaua bilong Janueri 1, 1990, na Janueri 1, 1987 (tok Inglis), na Kirap! bilong Mas 8, 1987. Tupela pablisa hia i mas redim gut na givim bel long kamapim ol ekspiriens na bai ol brata i pilim gut.
Singsing 61 na beten.
Wik i Kirap long Disemba 27
Singsing 37
10 min: Ol toksave bilong kongrigesen. Toksave long ol bung bilong i go autim tok long Janueri 1. Mekim soim long pasin bilong tilim ol buk ol brata sista bai tilim long mun Janueri.
20 min: Kisim Drak—Olsem Wanem Dispela Inap Nogutim Yu. Wanpela elda i ken lukim ol tok i stap long pes 106-112 bilong buk Reasoning (tok Inglis) na mekim olsem wanpela tok, o em i ken toktok wantaim tupela yangpela pablisa.
Tupela yangpela pablisa i tokim elda olsem planti wanskul bilong ol i kisim drak. Na ol i tok, sampela yangpela i ting i no gat rong long kisim drak long sampela taim. Elda i tok, taim em i lusim skul pinis, pasin ol skulmanki i bihainim em i wok long i go nogut. Em i tok, Baibel i no kolim nem bilong ol drak, tasol buk Reasoning long pes 106-112 i kamapim sampela gutpela tok bilong stiaim tingting bilong ol yangpela. Tupela yangpela i ken kaunim ol skripsa, na taim elda i kamapim ol tok i stap long ol paragraf, em i ken toktok gut wantaim tupela long ol dispela tok. Na tupela hia i ken kamapim tingting bilong ol yet long ol samting ol i ken mekim bilong sakim drak, taim ol wanlain bilong ol i subim ol long kisim.
15 min: Olsem Wanem Kristen i Ken Helpim Ol Lapun. Wanpela brata i ken mekim wanpela tok long ol tok i stap long pes 27-30 bilong Wastaua bilong Ogas 15, 1993.
Singsing 120 na beten.