Ol Toksave

◼ Samting bilong tilim long Epril na Me: Wastaua na Kirap! na wanpela buklet. (No ken tilim buklet Skul.) Sapos yu ting i orait long mekim, tilim sabskripsen long olgeta haus. Tilim sabskripsen long ol gobek tu. Jun: Wanpela buk i gat 192 pes long en. Julai: Wanpela buklet, long 30 toea. HARIM: Sapos kongrigesen i sot long ol dispela buk bilong tilim, orait long mun bihain putim oda long pepa Literature Order (S-AB-14).

◼ Ol brata sista i no inap mekim wok painia haptaim long dispela mun Epril, gutpela sapos sampela i mekim long mun Me.

◼ Nau Sosaiti i wok long redim wanpela disk bilong kompyuta, ol i kolim CD-ROM. Long rot bilong dispela disk bai yu inap lukim olgeta tok i stap long Baibel New World Translation, tupela buk Insight, Wastaua tok Inglis bilong yia 1950 i go inap 1993, na planti ol narapela buk samting (tok Inglis) i gat copyright long en. Dispela CD-ROM i gat program em Sosaiti yet i bin wokim bilong painim ol tok i stap long ol dispela buk. Bilong kisim tok bilong CD-ROM, yu mas i gat masin bilong en. Klostu nau bai yu inap kisim dispela CD-ROM. Sapos yu laik kisim, yu ken raitim pas long Sosaiti na ol bai toksave long ol samting yu mas kisim bilong mekim wok long CD-ROM. Tasol taim yu laik putim oda, putim long rot bilong kongrigesen na kongrigesen i ken raitim long pepa Literature Order (S-AB-14). Pe bilong en i olsem: Ol painia na pablisa: K10.00.

◼ Ol Nupela Buk Samting Yu Inap Kisim:

Tok Inglis: Kalenda bilong 1994; liklik buklet Skelim Sampela Tok Bilong Baibel Long Olgeta De​—⁠1994; buk Jehovah’s Witnesses​—⁠Proclaimers of God’s Kingdom (Kongrigesen na Ol Narapela Man: K8.00; Ol Painia: K6.00); buklet Yumi Stap Bilong Mekim Wanem​—⁠Yu Ken Save Olsem Wanem? (Kongrigesen na Ol Narapela Man: 30 toea; Ol Painia: 15 toea); buklet Why Should We Worship God in Love and Truth? (Bilong ol Hindu; no ken odaim planti. Kongrigesen na Ol Narapela Man: 30 toea; Ol Painia: 15 toea). Tok Motu: Liklik buklet Skelim Sampela Tok Bilong Baibel Long Olgeta De​—⁠1994; buk Reasoning From the Scriptures; buklet Yumi Stap Bilong Mekim Wanem​—⁠Yu Ken Save Olsem Wanem? (Kongrigesen na Ol Narapela Man: 30 toea; Ol Painia: 15 toea). Tok Pisin: Liklik buklet Skelim Sampela Tok Bilong Baibel Long Olgeta De​—⁠1994; buklet Yumi Stap Bilong Mekim Wanem​—⁠Yu Ken Save Olsem Wanem? (Kongrigesen na Ol Narapela Man: 30 toea; Ol Painia: 15 toea).