Ol Miting Bilong Wok Bilong Epril
Wik i Kirap long Epril 4
Singsing 16
10 min: Ol toksave bilong kongrigesen. Toksave long ol bung bilong i go autim tok long dispela wik. Tokim ol brata sista, samting bilong tilim long Epril em sabskripsen bilong Wastaua. Kirapim ol brata sista long mekim wok magasin long rot long mun Epril na Me. Tokim ol, bikpela pablik-tok bai kamap long Epril 10, nem bilong en, “Lotu i Tru i Save Helpim Olgeta Man.” Gutpela sapos ol brata sista i wok strong long helpim ol nupela long i kam.
15 min: “Wastaua na Kirap!—Ol Nius Bilong Kamapim Tok i Tru.” Ol askim na bekim. Singautim ol brata sista long stori long ol samting ol i bin mekim bilong helpim ol long tilim planti magasin. Sapos i gat taim, tokim sampela long kamapim liklik ekspiriens bilong ol.
20 min: “Tilim Wastaua na Kirap!—Ol i Nambawan Magasin Tru.” Toktok wantaim ol brata sista long ol dispela tok. Stori gut olsem wanem ol magasin inap helpim man. Taim yu kamapim tok bilong paragraf 2, tokim wanpela pablisa, em i save mekim gut wok autim tok, long stori long pasin ol brata sista i ken mekim bambai ol inap save gut long ol tok i stap insait long ol magasin na long pasin bilong redim tok ol i laik mekim. Mekim tupela soim long pasin bilong tilim Wastaua bilong Epril 1 na Epril 15. Bilong pinisim tok, kamapim sampela tok ol brata sista i ken mekim bilong tilim nupela Kirap!
Singsing 69 na beten.
Wik i Kirap long Epril 11
Singsing 80
5 min: Ol toksave bilong kongrigesen. Toksave long ol bung bilong i go autim tok long dispela wik.
5 min: Sampela Stori long Wok BIlong Kingdom. Brata i ken mekim wok long blakbot o wanpela mep na bai ol brata sista inap save ol dispela kantri i stap we. Mekim olsem wanpela tok.
20 min: “Pasin Bilong i Stap Klin i Save Litimapim Nem Bilong God.” Wanpela elda i ken toktok wantaim ol brata sista long ol dispela tok. Bilong pinisim tok, em i ken kamapim sampela tok i stap long pes 16-22 long Wastaua bilong Disemba 1, 1989.
15 min: “Tokaut Long Bilip Bilong Yumi—No Ken Pret na Surik.” Ol askim na bekim. Brata bilong lukautim Stadi Wastaua i ken lukautim dispela hap. Sapos i gat sampela brata sista bipo ol i pret long bekim tok long miting, tokim ol long stori olsem wanem ol i bin winim dispela hevi. Stori gut olsem pasin bilong redim ol tok bilong stadi em bikpela samting. Kirapim ol brata sista long mekim planti bekim long Stadi Wastaua long olgeta wik.
Singsing 90 na beten.
Wik i Kirap long Epril 18
Singsing 100
10 min: Ol toksave bilong kongrigesen. Ripot bilong ol akaun. Toksave long ol bung bilong i go autim tok long dispela wik. Tok tenkyu long ol kontribusen ol brata i mekim.
15 min: “Go Bek Lukim Ol Man i Kisim Magasin o Buklet.” Toktok wantaim ol brata sista long ol dispela tok. Askim ol, i gat wanem as na yumi mas save gut long ol tok i stap insait long ol magasin, na i gat wanem as na yumi mas tingim gut tok em man bilong haus i bin mekim na bai yumi inap save wanem tok bai i gutpela long kamapim long em long taim yumi mekim gobek. Sapos i gat taim, sampela pablisa i gat save i ken mekim soim olsem i stap long ol paragraf.
20 min: “Mekim Wok Bilong Jehova na Sakim Ol Samting i Laik Pulim Nabaut Tingting.” (Namba 1 Hap) Ol askim na bekim.
Singsing 51 na beten.
Wik i Kirap long Epril 25
Singsing 70
10 min: Ol toksave bilong kongrigesen. Toksave long ol bung bilong i go autim tok long dispela wik.
15 min: “Miting Bilong Wok i Save Inapim Yumi Long Mekim Olgeta Kain Gutpela Wok.” Ol askim na bekim. Mekim soim long pasin wanpela famili i mekim bilong redim ol tok bilong miting. Stori gut olsem em bikpela samting long yumi mas (1) redi gut pastaim, (2) putim gut yau, na (3) bekim tok.
20 min: “Mekim Wok Bilong Jehova na Sakim Ol Samting i Laik Pulim Nabaut Tingting.” (Namba 2 Hap) Ol askim na bekim.
Singsing 75 na beten.