Ol Miting Bilong Wok Bilong Me
Wik i Kirap long Me 2
Singsing 20
10 min: Ol toksave bilong kongrigesen na ol bung bilong i go autim tok long dispela wik. Sapos kongrigesen i bin stretim rot bilong mekim sampela wok moa long wok autim tok olsem autim tok long rot o long apinun olsem 5 klok samting, orait kamapim gen dispela samting. Kaunim ol tok bilong Sampela Stori Long Wok Bilong Kingdom.
15 min: “Mekim Yet Ol Wok Bilong Kingdom.” Ol askim na bekim. Kamapim ol gutpela ekspiriens sampela brata sista i bin kisim taim ol i mekim wok painia haptaim o autim tok long kain kain taim na ples.
5 min: “Mi Mas Wok Long Senisim?” Tupela elda i ken toktok wantaim. Stori gut: Sapos ol brata sista i autim tok oltaim, olsem wanem dispela inap helpim ol.
15 min: “Mekim Wok Long Ol Magasin Bilong Autim Tok i Tru.” Mekim olsem wanpela tok, na kamapim sampela askim. Stori long wanem samting i mekim ol magasin bilong yumi i narapela kain, na olsem wanem dispela i mas kirapim yumi long tilim ol magasin long ol man long olgeta taim yumi gat rot. Mekim tupela sotpela soim.
Singsing 128 na beten.
Wik i Kirap long Me 9
Singsing 214
10 min: Ol toksave bilong kongrigesen. Toksave long ol bung bilong i go autim tok long dispela wik. Yumi laik wok strong long painim rot bilong tilim sabskripsen. Yumi ken tilim long ol man bipo ol i save kisim na kaunim ol Wastaua na Kirap! Stori long pasin bilong wokim pepa bilong sabskripsen.
20 min: “Redim Ol Baibel-Stadi Bilong i Go Autim Tok.” Ol askim na bekim. Taim yu kamapim ol tok bilong paragraf 4 na 5, mekim sotpela soim long pasin bilong helpim Baibel-stadi long redim ol tok em i laik mekim taim em i autim tok long ol haus. Baibel-stadi i ken mekim liklik tok na mekim wok long Song 37:11. Tisa i katim tok, na em i tok: “Mi gat lotu pinis.” Baibel-stadi i no save, bai em i tok wanem. Tupela i lukim sampela tok long pes 18-19 bilong buk Reasoning. Ol i makim wanpela tok em Baibel-stadi i pilim olsem i stret long em. Baibel-stadi i kirap gen long toktok, na em i kamapim gutpela bekim, na em i amamas long ol gutpela samting i kamap long dispela tok em i mekim.
15 min: Wokim Haus Kingdom. Tupela elda i ken toktok wantaim. Stori long pasin bilong wokim pepa bilong mekim wok volantia bilong wokim Haus Kingdom, em pepa bilong ol brata i winim mak bilong mekim wok konstraksen. Stori long ol samting kongrigesen bilong yu i laik mekim. Sapos ol elda i save long tok Inglis, ol i ken stori long sampela wok bilong Komiti Bilong Wokim Ol Haus, olsem i stap long pes 322-328 bilong buk Jehovah’s Witnesses—Proclaimers of God’s Kingdom.
Singsing 139 na beten.
Wik i Kirap long Me 16
Singsing 173
10 min: Ol toksave bilong kongrigesen. Kaunim ripot bilong ol akaun. Sapos kongrigesen i bin salim sampela kontribusen i go long Sosaiti na Sosaiti i bin tok tenkyu long dispela, orait kamapim dispela tok tenkyu long kongrigesen. Stori gen long ol buklet ol brata sista i ken tilim, na kamapim sampela tok ol i ken mekim wok long en.
17 min: “Go Bek Lukim Ol Man i Laik Harim Tok.” Ol askim na bekim. Long paragraf 3 na 4, mekim wanpela o tupela soim olsem i stap long ol dispela paragraf.
18 min: “Ol Samting Yu Ken Mekim na Bai Skul Bilong Wok Autim Tok i Helpim Yu Tru.” Wasman bilong skul i ken mekim olsem wanpela tok na kamapim ol askim. Kirapim ol brata sista long mekim ol tok em wasman bilong skul i makim ol long mekim. Stori gut, em bikpela samting ol i mas kaunim hap bilong Baibel em sedyul i makim bilong kaunim long olgeta wik. Stori long olsem wanem ol tok wasman i givim long sumatin i ken helpim olgeta long kongrigesen.
Singsing 53 na beten.
Wik i Kirap long Me 23
Singsing 192
10 min: Ol toksave bilong kongrigesen. Stori long sampela gutpela tok long ol nupela magasin. Mekim wanpela o tupela sotpela soim long pasin bilong tilim magasin.
15 min: Taim Yu Givim Tok Long Narapela Yu Save Mekim Gut Long Em? Wanpela elda i ken lukim ol tok i stap long pes 25-29 long Wastaua bilong Februeri 1, 1994, na mekim tok.
20 min: “Helpim Moa Yet Ol Painia.” Ol askim na bekim.
Singsing 19 na beten.
Wik i Kirap long Me 30
Singsing 204
10 min: Ol toksave bilong kongrigesen. Sapos yu no putim yet ripot bilong yu bilong mun Me, gutpela sapos nau yu putim.
15 min: Samting Bilong Tilim Long Jun. Stori gen long samting bilong tilim long mun Jun, em wanpela buk i gat 192 pes long en. Yu ken stori long buk Rot Bilong Abrusim Bagarap na i Stap Long Nupela Graun na long gutpela piksa i stap long pes 4 na 5. Wanpela pablisa i gat save em i ken mekim sotpela soim long pasin bilong mekim wok long Kamapim Tok Hait 21:4 wantaim dispela piksa. Toksave long ol bung bilong i go autim tok long dispela wik.
20 min: “Olsem Wanem? Yu Winim Ol Mak Bilong Mekim Wok Painia?” Ol askim na bekim.
Singsing 12 na beten.